پی ٹی آئی ایک بار پھر صوبے میں حکومت بنائیگی، طارق شہزاد

بدھ 18 جولائی 2018 12:55

مردان۔ (اُردو پوائنٹ اخبارتازہ ترین - اے پی پی۔ 18 جولائی2018ء) سماجی شخصیت طارق شہزاد نے کہا ہے کہ پاکستان تحریک انصاف ایک بار پھر صوبہ خیبر پختونخوا میں حکومت بنائیگی کیونکہ پی ٹی آئی نے خیبر پختونخوا میں ریکارڈ ترقیاتی کام کئے ہیں جبکہ دیگر پارٹیوں نے عوام کو مایوسی کے سوا کچھ نہیں دیا۔ان خیالات کا اظہارسماجی شخصیت طارق شہزاد آف بہرام خان کلے مردان نے اپنے ایک بیان میں کیا۔

(جاری ہے)

انہوں نے کہا کہ پاکستان تحریک انصاف کے چیئرمین عمران خان واحد سیاستدان ہیں جن کے دامن پر کرپشن کا داغ نہیں اور عوام میں بھی مقبول سیاستدان ہیں۔ انہوں نے کہا کہ حال ہی میں پاکستان تحریک انصاف کی صوبائی حکومت نے ریکارڈ قانون سازی کرنے سمیت اس پر عملدر آمد کو یقینی بنایا جس سے مخالفین کے منہ بند ہو گئے ہیں۔ انہوں نے کہا کہ آئے روز ہی مختلف پارٹیوں کے عہدیدار پاکستان تحریک انصاف میں شامل ہو رہے ہیں اور تحریک انصاف کی مقبولیت میں روز بروز اضافہ ہو رہا ہے۔