سندھ ہائی کورٹ کا پی ٹی آئی رہنما فیصل واوڈا کو 8 سیکیورٹی اہلکارفراہم کرنے کا حکم

جمعرات 19 جولائی 2018 17:36

کراچی (اُردو پوائنٹ اخبارتازہ ترین - این این آئی۔ 19 جولائی2018ء) سندھ ہائیکورٹ نے پاکستان تحریک انصاف کراچی کے رہنما فیصل واوڈا کو 8 سیکیورٹی اہلکارفراہم کرنے کا حکم دے دیا۔

(جاری ہے)

جمعرات کو سندھ ہائیکورٹ نے سپریم کورٹ کی ہدایت پرسیکیورٹی فراہمی کی درخواست نمٹاتے ہوئے آئی جی سندھ کو حکم جاری کیا ہے کہ وہ پی ٹی آئی رہنما فیصل واوڈا کو سیکیورٹی صرف الیکشن تک فراہم کریں۔واضح رہے کہ عدالت میں درخواست گزار فیصل واوڈا کا موقف تھا کہ میں این اے 249 سے الیکشن لڑ رہا ہوں، تاہم مجھے جرائم اور کرپشن کے خلاف آواز اٹھانے پر سیکیورٹی تحفظات ہیں۔