پریذائیڈنگ آفیسر پولنگ اسٹیشن میں انتقال کر گئے

این اے 188میں پریذائیڈنگ آفیسر دل کا دورہ پڑنے سے انتقال کر گئے، میڈیا رپورٹس

مقدس فاروق اعوان بدھ 25 جولائی 2018 15:42

لاہور (اردو پوائنٹ تازہ ترین اخبار۔25جولائی 2018ء) میڈیا رپورٹس کے مطابق حلقہ این اے 188سے خبر سامنے آئی ہے جہاں ڈیوٹی سر انجام دینا والا پریذائیڈنگ آفیسر پولنگ اسٹیشن میں انتقال کر گیا،پریذائیڈنگ آفیسر دل کا دورہ پڑنے سے انتقال کر گئے ،اس سے پہلے رحیم یار خان سے ایک افسوسناک واقعہ پیش آیا تھا ۔میڈیا رپورٹس میں بتایا گیا تھا کہ رحیم یار خان کے حلقہ این اے 177 میں ووٹر دل کا دورہ پڑنے سے جاں بحق ہوگیا۔

پولیس کے مطابق رحیم یار خان کے علاقے ظاہر پیر کے حلقہ این اے 177 میں دورہ پڑنے سے جاں بحق ہوگیا۔ جاں بحقووٹر کی ارشد کے نام سے شناخت ہوئی۔جب کہ اوکاڑہ میں بھی ایک ووٹر دل کا دورہ پڑنے سےجاں بحق ہو گیا تھا،میڈیا رپورٹس میں بتایا گیا ہے کہ اوکاڑہ میں پی پی 184 میں ایک ووٹرووٹ دینے پہنچا۔

(جاری ہے)

تاہم پولنگ اسٹیشن پہنچنے پر ووٹر کی طبعیت خراب ہوئی اور وہ دل کا دورہ پڑنے سے جاں بحق ہو گیا۔

اس سے پہلے مٹھی سے بھی ایک خبر سامنے آئی تھی کہ ہ مٹھی کے حلقہ این اے 222 پولنگ اسٹیشن 367پر خاتون اسسٹنٹ پریذائیڈنگ آفیسر بیہوش ہو گئی۔ جب کہ پریذائیڈنگ آفسر کا کہنا ہے کہ خاتون گرنے میں تکیل کے باعث بیہوش ہوئی ہے۔ اس کے علاوہ مختلف پولنگ اسٹیشن سے بھی خبریں موصول ہو رہی ہیں ن کے مطابق سیاسی پارٹیوں کے حامیوں کے بیچ لڑائی جگھڑے کا سلسلہ بھی جاری ہے۔

تاہم اس تمام صورتحال کے باوجود بھی پولنگ کا عمل جاری ہے۔جو کہ صبح 8 بجے شروع ہونے والی پولنگ بلاتعطل شام 6 بجے تک جاری رہے گی۔آجقومی اسمبلی کی 270 اور صوبائی اسمبلیوں کی 570 نشستوں کے لیے ووٹ ڈالے جارہے ہیں۔یاد رہے آج ملک بھر میں عام انتخابات کا انعقاد ہو رہا ہے۔ پانچ سال بعد عوامی فیصلے کا وقت آگیا،۔کون حکومت بنائے گا ، کون اپوزیشن میں جائے گا۔۔۔۔الیکشن 2018ء میں 10کروڑ 59لاکھ سے زائد ووٹر حق رائے دہی استعمال کریں گے ۔ آج یعنی پولنگ کے روز موبائل فون پولنگ اسٹیشن کے اندر لے جانے پر پابندی ہے، صحافی بھی پولنگ اسٹیشن کے اندر موبائل فون نہیں لے جاسکتے ، ویڈیو کیمرے کے ذریعے پولنگ اسٹیشن کے اندر کی ویڈیو بناسکیں گے۔