حلقہ ‏این اے 132 لاہور سے شہباز شریف کامیاب ہو گئے

صدر ن لیگ شہباز شریف 95 ہزار 834 ووٹ لے کر کامیاب ہوئے

مقدس فاروق اعوان جمعرات 26 جولائی 2018 13:44

حلقہ ‏این اے 132 لاہور سے شہباز شریف کامیاب ہو گئے

لاہور (اُردو پوائنٹ تازہ ترین اخبار۔ 26 جولائی 2018ء) :لاہور کے بڑے حلقے این اے 132کا بھی غیر حتمی غیر سرکاری نتیجہ سامنے آ گیا ہے۔پاکستان مسلم لیگ ن کے صدر شہباز شریف یہ سیٹ لینے میں کامیاب ہو گئے ہیں۔غیر حتمی اور غیر سرکاری نتائج کے مطابق شہباز شریف این اے 132 لاہور سے 95 ہزار 834 ووٹ لے کر کامیاب ہوگئے،جب کہ پاکستان تحریک انصاف کے امیدوار منشا سندھو 40ہزار 93 ووٹ لے کر دوسرے نمبر پر رہے۔

اس سے پہلے شہباز شریف این اے 192 کا حلقہ ہار چکے ہیں۔غیر سرکاری اور غیر حتمی نتائج کے مطابق پاکستان تحریک انصاف کے امیدوار سردار محمدخان لغاری 80 ہزار 522 ووٹ لیے ہیں جب کہ اس کے مقابلے میں شہباز شریف 67608ووٹ لینے میں کامیاب ہوئے اس طرح سے شہباز شریف کو ڈیرہ غازی خان میں بھی شکست کا سامنا کرنا پڑا ہے۔

(جاری ہے)

اس سے پہلے این اے 3 سوات میں شہباز شریف پاکستان تحریک انصاف کے سلیم الرحمان سے شکست کھا گئے تھے۔

تازہ ترین صورتحال کے مطابق پاکستان تحریک انصاف نے خیبرپختونخواہ میں صوبائی اسمبلی کی نشستوں پر مخالفین کا صفایا کرنے کے بعد قومی اسمبلی کی نشستوں پر بھی بڑے بڑے برج الٹ دئیے ہیں۔ این اے 2 سوات سے پاکستان تحریک انصاف کے امیدوارڈاکٹر حیدر علی خان نے امیر مقام کو شکست دے کر فتح اپنے نام کر لی۔۔این اے 3 سوات میںپاکستان تحریک انصاف کے سلیم الرحمان نے مسلم لیگ ن کے صدر شہباز شریف کو بڑے مارجن سے شکست دے دی ہے۔

پاکستان میں تاریخ کے سب سے بڑا انتخابی معرکہ کے غیر حتمی نتائج آ رہے ہیں۔۔واضح رہے کہ کل پاکستان کی تاریخ کا سب سے بڑا اور مہنگا ترین الیکشن انعقاد پذیر ہوا۔الیکشن کمیشن کی جانب سے جاری کردہ اعداد و شمار کے مطابق عامانتخابات میں 840قومی وصوبائی حلقوں پر 11 ہزار 673 امیدوار حصہ لے رہے تھے۔قومی اسمبلی کے 270حلقوں پر 3 ہزار 428 امیدوار میدان میں اترے تھے جبکہ صوبائی اسمبلیوں کی 570نشستوں پر 8 ہزار 245 امیدواروں میں مقابلہ ہو ا۔