Live Updates

قومی و صوبائی اسمبلی کے 32 حلقوں کے نتائج روکنے کا فیصلہ

منگل 7 اگست 2018 16:00

اسلام آباد (اُردو پوائنٹ اخبارتازہ ترین - این این آئی۔ 07 اگست2018ء) قومی و صوبائی اسمبلی کے 32 حلقوں کے نتائج روکنے کا فیصلہ کر لیا گیا، نتائج روکے جانیوالوں میں 15 قومی اور 17 صوبائی حلقے شامل ہیں۔

(جاری ہے)

نجی ٹی وی کے مطابق نتائج ووٹوں کی دوبارہ گنتی، عدالتی احکامات کے باعث روکے جا رہے ہیں ،ْاین اے 25 نوشہرہ سے پرویزخٹک، این اے 73 سیالکوٹ سے خواجہ آصف، این اے 90 سے پاکستان مسلم لیگ ن کے امیدوار حامد حمید اور این اے 91 سیذوالفقاربھٹی کی کامیابی کا نوٹیفکیشن جاری نہیں ہوگا۔

اسی طرح این اے 108 فیصل آباد سے پی ٹی آئی کے فرخ حبیب، این اے 112 ٹوبہ ٹیک سنگھ سے لیگی امیدوار جنید انوار چودھری، این اے 131 لاہورسے عمران خان، این اے 140 قصور سے پی ٹی آئی کے سردار طالب نکئی، این اے 215 سانگھڑ سے پیپلزپارٹی کے نوید ڈیرو اور این اے 106 فیصل آباد سے راناثنا اللہ کی کامیابی کا نوٹیفکیشن روکنے کا فیصلہ کیا گیا ہے۔