الیکشن کمیشن کا حلقہ این اے 215 میں ریٹرننگ آفیسر سے جواب طلب ، سماعت 8 اکتوبر تک ملتوی کر دی

جمعہ 5 اکتوبر 2018 18:39

اسلام آباد ۔ (اُردو پوائنٹ اخبارتازہ ترین - اے پی پی۔ 05 اکتوبر2018ء) الیکشن کمیشن نے قومی اسمبلی کے حلقہ این اے 215 میں ریٹرننگ آفیسر سے جواب طلب کرتے ہوئے سماعت 8 اکتوبر تک ملتوی کر دی۔

(جاری ہے)

جمعہ کو الیکشن کمیشن میں قومی اسمبلی کے حلقہ این اے 215 کے ریٹرننگ آفیسر کے خلاف درخواست کی سماعت کی گئی۔ درخواست گزار خدا بخش کے وکیل اور ریٹرننگ آفیسر الیکشن کمیشن میں پیش ہوئے۔ درخواست گزار کے وکیل نے موقف اختیار کیا کہ ریٹرننگ آفیسر نے گنتی میں کچھ ووٹ شامل نہیں کئے۔ کمیشن نے ریٹرننگ آفیسر سے جواب طلب کرتے ہوئے 8 اکتوبر تک ملتوی کر دی۔