چوہدری سرور کو کنٹرول کریں‘ وفاقی وزیرطارق بشیر چیمہ اور پرویز الٰہی کی جہانگیر ترین کو شکایت
چودھری سرور کی مداخلت پر اپنی قیادت کوشکایت لگائی ،ْہمیں صرف اپنے حلقے میں مداخلت سے اعتراض ہے ،ْطارق بشیر چیمہ ہمارے مخالفین کو شریف وزیر اعلیٰ ہضم نہیں ہو رہا، پارٹی کے اندر ایک فیصد بھی وزیر اعلیٰ سے متعلق کوئی اختلاف نہیں ،ْفیاض الحسن چوہان
ہفتہ 10 نومبر 2018 18:05
(جاری ہے)
طارق بشیر چیمہ کی بات پر چوہدر ی پرویز الٰہی نے بھی کہاکہ یار !چوہدری سرور کو کنٹرول کریں ۔پرویز الٰہی نے اس دوران گفتگو کرتے ہوئے کہا کہ پنجاب میں حمزہ شہباز ہم پر بہت تنقید کرتے ہیں، وہ عمران خان اور مجھ پر تنقید کرتے ہیں۔
بعد ازاںمسلم لیگ (ق )کے رہنماء طارق بشیر چیمہ نے نجی ٹی وی سے بات چیت کرتے ہوئے کہاکہ چودھری سرور کی مداخلت پر اپنی قیادت کوشکایت لگائی، ہمیں صرف اپنے حلقے میں مداخلت سے اعتراض ہے، ہم ناراض ہیں نہ ہونے جا رہے ہیں، پی ٹی آئی قیادت پوچھے گی تو بتا دوں گا کہ کیا مداخلت ہی انہوںنے کہاکہ جہانگیر ترین صاحب سینیٹ الیکشن سے متعلق تشریف لائیں تھے۔طارق بشیر چیمہ نے کہا کہ میرے حلقے کا مسئلہ ہے اسے میں نے ریز کیا ہے، میں نے کیا ایسی بات کر دی جس سے طوفان کھڑا کیا جا رہا ہے۔معاملے پر گفتگو کرتے ہوئے صوبائی وزیر اطلاعات فیاض الحسن چوہان نے کہا کہ ہمارے مخالفین کو شریف وزیر اعلیٰ ہضم نہیں ہو رہا، پارٹی کے اندر ایک فیصد بھی وزیر اعلیٰ سے متعلق کوئی اختلاف نہیں، اگر ایسے ہی کلپس نکالنے لگے تو کوئی بھی نہ بچے، سیاق وسباق سے ہٹ کر مطلب کی باتیں چلائی گئی۔وزیر اطلاعات پنجاب فیاض الحسن چوہان نے کہا کہ اس وقت پنجاب میں طاقت کا سرچشمہ عثمان بزدار ہیں، کابینہ کے تمام وزرا ان کے شانہ بشانہ کام کررہے ہیں۔انہوں نے کہا کہ سارا دن ایک دوسرے کے حوالے سے بات چیت ہوتی رہتی ہے، لوگ اپنے سینئرز کے ساتھ بات کرتے ہیں، طارق بشیر چیمہ نے چھوٹی سی بات کی، ان کا بات کرنے کا اپنا انداز ہے ،ْ اس چیز کو سیاق و سباق سے ہٹ کر چلانا کوئی اچھی پریکٹس نہیں۔فیاض الحسن نے کہا کہ میاں بیوی اور فیملی میں بھی ایک دوسرے کے حوالے سے گلے شکوے ہوتے ہیں، اس کی آڈیو بناکر چلانا کوئی طریقہ نہیں، ایک دوسرے سے اختلافات ہوتے ہیں جو چھوٹی چھوٹی چیزیں ہوتی ہیں، تبصرہ کرنے پر اتنی بڑی بات نہیں ہوگئی، اس سے ایسا کوئی تاثر نہیں کہ حکومت کمزور ہوگئی یا وزیراعلیٰ کمزور ہوگئے ہیں، عثمان بزدار ایک مضبوط اتھارٹی ہیں اور اس میں کوئی تنازع نہیں۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.