عمران خان اور وزراء کا بنیادی المیہ نہ گھر میں اچھی تربیت ہوئی اور نہ سیاسی تربیت ،سید حسن مرتضی

پیر 19 نومبر 2018 22:33

اسلام آباد (اُردو پوائنٹ اخبارتازہ ترین - آن لائن۔ 19 نومبر2018ء) پاکستان پیپلزپارٹی پنجاب کے سیکریٹری اطلاعات سید حسن مرتضیٰ نے کہا ہے کہ عمران خان اور انکے وزرائ کا بنیادی المیہ یہ ہے کہ ان کی نہ گھر میں اچھی تربیت ہوئی اور نہ سیاسی تربیت ہوئی یہی وجہ ہے کہ فواد چوہدری اور فیاض چوہان بدتمیزی اور گالی گلوچ کو سیاست سمجھ رہے ہیں۔ سید حسن مرتضیٰ جو پنجاب اسمبلی میں پیپلزپارٹی کے پارلیمانی لیڈر بھی ہیں نے کہا کہ پی ٹی آئی کے وزیر کا بیٹا پولیس اہلکاروں کو اغوا کرتا ہے اور پٹائی کے بعد چھوڑ دیتا ہے مگر ایف آئی آر اغوا کئے جانے والے پولیس اہلکاروں کے خلاف ہوتی ہے۔

ایک وفاقی وزیر اسلام آباد میں بے گناہ لوگوں جس میں دوسال کا بچہ بھی شامل تھا کو گرفتار کرواتا ہے۔

(جاری ہے)

یہ عمران خان کا نیا پاکستان ہے۔ جب حزب اختلاف پی ٹی آئی حکومت کے کرتوت کے خلاف بات کرتی ہے تو فیاض چوہان جیسے لوگ طوفان بدتمیزی پر اتر آتے ہیں۔ سید حسن مرتضیٰ نے کہا کہ فیاض چوہان جیسا شخص شباب ملی کے پلیٹ فارم سے یتیم بچیوں کی شادیوں کے لئے ملنے والا چندا ہڑپ کر جاتا تھا اور بیوہ خواتین کو ملنے والی سلائی مشینیں بھی بیچ کر گزارا کرتا تھا۔ سید حسن مرتضیٰ نے کہا کہ یوٹرن حکومت کے 100دن پورے ہو چکے۔ حزب اختلاف اسمبلیوں کے اندر اور اسمبلیوں کے باہر یوٹرن حکومت کو آئینہ دکھاتی رہے گی۔طارق ورک