شادی بیاہ کے موقع پر بھاری معاوضے پر گاڑیوں کی سجاوٹ اور بڑی گاڑیاں کرائے پر حاصل کرنا فیشن بن گیا

پیر 26 نومبر 2018 16:01

اسلام آباد ۔ (اُردو پوائنٹ اخبارتازہ ترین - اے پی پی۔ 26 نومبر2018ء) شادی بیاہ کے موقع پر بھاری معاوضے پر گاڑیوں کی سجاوٹ معمول بن گیا ہے اور اکثر حضرات نمائش اور ظاہری شان و شوکت کیلئے نہ صرف گاڑیوں پر پھولوں کی قیمتی سجاوٹ کراتے ہیں بلکہ ان میں سے بیشتر لوگ بڑی گاڑیاں کرائے پر حاصل کر کے اپنا شوق پورا کرتے ہیں جس کا غریب اور متوسط طبقے پر اثر پڑتا ہے۔

(جاری ہے)

شادی بیاہ پر گاڑیاں سجانے والے ایک دکاندار انور علی نے بتایا کہ گاڑیاں سجانا بہتر کاروبار ہے اور ایک گاڑی کی سجاوٹ میں وہ ہزاروں روپے کما لیتا ہے۔ گاڑی سجانے کیلئے آئے ہوئے ایک شخص ظفر بٹ نے کہا کہ زندگی کی بڑی خوشی کیلئے گاڑی کی سجاوٹ زیادہ مہنگی نہیں تاہم غریب افراد کی سوچ اس سے یکسر مختلف ہے جو سادگی سے شادی بیاہ کرنے کو ترجیح دیتے ہیں۔ سلیم نامی ایک شخص نے کہا کہ مجھے شادی کیلئے کرائے پر گاڑی لینے یا اس کی سجاوٹ کی ضرورت نہیں مجھے خوشی ہو گی کہ شادی سادگی کے ساتھ ہو اور فضول اخراجات سے بچا جائے۔