محافظ اسکواڈ کی شراب فروش کے خلاف کارروائی، ولایتی شراب برآمد

جمعرات 13 دسمبر 2018 17:39

سرگودھا۔13 دسمبر(اُردو پوائنٹ اخبارتازہ ترین - اے پی پی۔ 13 دسمبر2018ء) انچارج محافظ اسکواڈ نے شراب فروش کے خلاف کارروائی عمل میں لاتے ہوئے ملزم کو گرفتارکرلیا اور اُس کے قبضہ سے ولایتی شراب برآمدکرلی ۔

(جاری ہے)

تفصیلات کے مطابق ڈسٹرکٹ پولیس آفیسر محمد حسن رضا خان کی خصوصی ہدایت پرمنشیات فروشوں کے خلاف کارروائی کرتے ہوئے انچارج محافظ اسکواڈ اسسٹنٹ سب انسپکٹر فہد بلال کی سربراہی میں محافظ اسکواڈ فیکٹری ایریا نے استقلال آباد کالونی چوک میں بذریعہ ناکہ بندی چیکنگ کرتے ہوئے ملزم ہاشم علی ولد محمد انور قوم چنگڑ سکنہ ماڈل ٹاون کو 30بوتل ولائتی شراب سمیت رنگے ہاتھوں گرفتارکرلیا ہے ۔

گرفتارملزم کے خلاف تھانہ فیکٹری ایریا میں منشیات فروشی کی دفعات کے تحت مقدمہ درج کرلیا گیا ہے ۔