Live Updates

لاہور ہائی کورٹ کے فیصل آباد بنچ کا قیام ہمارا آئینی و قانونی حق ہے، روہیل ظفر کینتھ

جمعرات 13 دسمبر 2018 20:05

فیصل آباد۔13 دسمبر(اُردو پوائنٹ اخبارتازہ ترین - اے پی پی۔ 13 دسمبر2018ء) سیکرٹری ڈ سٹرکٹ بار ایسوسی ایشن رو ہیل ظفر کینتھ نے کہا ہے کہ لاہور ہائی کورٹ کے فیصل آباد بنچ کا قیام ہمارا آئینی اور قانونی حق ہے۔ وہ گزشتہ روز ڈسٹرکٹ بار میں وکلاء رہنمائوں کے ہمراہ ایک پریس کانفرنس سے خطاب کر رہے تھے۔

(جاری ہے)

انہوںنے کہا کہ وزیر اعظم عمران خان پر اعتماد ہے، ہمارا مسئلہ جب ان تک پہنچے گا تو ہمیں امید ہے کہ وہ اس پر مثبت فیصلہ کریں گے، عمران خان نے ریاست مدینہ کا جو تصور عوام میں اجاگر کیا ہے اس تصور میں بھی سب سے اہم عوام کو سستے انصاف کی فراہمی ہے۔

انہوںنے کہا کہ فیصل آباد ڈسٹرکٹ بار کی جنرل کونسل کے اجلاس میں فیصلہ کیا گیا ہے کہ فیصل آباد میں ہا ئی کورٹ بنچ کے قیام تک ہڑتال جاری رہے گی۔