Live Updates

وزیر اعظم اور وزیر اعلیٰ پنجاب کے ویژن کے مطابق سائلین کے مسائل ترجیحی بنیادوں پر حل کئے جا رہے ہیں،

پی ٹی آئی حکومت کا مقصد عام آدمی کو میرٹ پر انصاف کی فراہمی اورکرپشن کا خاتمہ یقینی بنانا ہے، ڈائریکٹر شکایات سیل وزیر اعلیٰ پنجاب شاہد قادر

جمعرات 13 دسمبر 2018 21:26

وزیر اعظم اور وزیر اعلیٰ پنجاب کے ویژن کے مطابق سائلین کے مسائل ترجیحی ..

لاہور۔13 دسمبر(اُردو پوائنٹ اخبارتازہ ترین - اے پی پی۔ 13 دسمبر2018ء) وزیر اعظم عمران خان اور وزیر اعلیٰ پنجاب عثمان بزدار کے ویژن کے مطابق دور دراز علاقوں سے آنے والے سائلین کے مسائل ترجیحی بنیادوں پر حل کئے جا رہے ہیں۔پہلے سو دنوں میں شکایت سیل کو ہزاروں مختلف نوعیت کی شکایات موصول ہوئی ہیں۔ اے پی پی سے گفتگو کرتے ہوئے وزیر اعلیٰ پنجاب شکایات سیل کے ڈائریکٹر شاہد قادر نے کہا ہے کہ زیادہ تر شکایات پولیس ‘ریونیو‘واسا اورسٹی گورنمنٹ کے حوالے سے آرہی ہیں۔

سائلین کی شکایات کا فوری طور پر ناصرف ازالہ کیا جارہا ہے بلکہ اس کافالو اپ بھی کر رہے ہیں۔انہوں نے کہا کہ پی ٹی آئی حکومت کا مقصد عام آدمی کو میرٹ پر انصاف کی فراہمی اورکرپشن کا خاتمہ اولین ترجیح ہے۔

(جاری ہے)

انہوں نے کہاکہ وزیر اعلیٰ پنجاب عثمان بزدار کے حکم پر شکایات سیل میں آنے والے سائلین کووزیر اعلی پنجاب کے مہمان کا درجہ دیا جاتا ہے،انہوں نے کہاکہ خاص طو رپر بوڑھے سائلین کیلئے بیٹھنے کا بھی انتظام کیا گیا ہے،پی ٹی آئی کی حکومت کے پہلے سو روز میں اداروں میں واضح تبدیلی آ چکی ہے، ہسپتالوں ‘ایجوکیشن اور ریونیو سمیت دیگر اداروں میں افسران نے بھی اپنا قبلہ درست کر لیا ہے اور ان کے رویوں میں بھی واضح تبدیلی دیکھنے میں آرہی ہے،انہوں نے کہا کہ شکایت لے کر آنے والے افراد کے مسائل خدمت خلق کے جذبے کے تحت حل کئے جارہے ہیں،انہوں نے مزیدکہاکہ کوئی کام التواء کا شکار نہیں ہوتا اور انہیںعوام کے مسائل کا ازالہ کر کے خوشی محسوس ہوتی ہے۔