مری اور گلیات میں برفباری کے بعد سورج نکلنے سے موسم کا دلکش منظر

جمعہ 14 دسمبر 2018 19:46

مری (اُردو پوائنٹ اخبارتازہ ترین - اے پی پی۔ 14 دسمبر2018ء) ملکہ کوہسار مری اور گلیات میں برفباری کے بعدجہاں سردی کی شدت میں اضافہ ہوا وہاں سورج نکلنے کے بعد موسم بھی انتہائی خوشگوار ہوگیا ہے حالیہ برفباری کے بعد ملک بھر سے سیاحوں نے یہاں کا رخ کرلیا ہے، آئے ہوئے سیاح مری کے خنک اور خوشگوار موسم سے خوب لطف اندوز ہورہے ہیں تمام سیاحتی مراکز پر سیاحوں کا رش دیکھنے کو آرہا ہے اور سیاح فیملیاں اور منچلے برفباری اور مقامی لوگوں کی طرف سے مختلف سیاحتی شاہراہوں پر برف کے بنے ہوئے بتوں کے ساتھ فوٹو گرافی کرتے رہے بڑی تعداد میں سیاحوں کی آمد سے مری کے کاروبار پر بھی انتہائی مثبت اثرات مرتب ہورہے ہیں۔