سپریم کورٹ نے اٹھارہویں ترمیم سے متعلق سندھ حکومت کی درخواست مسترد کردی ،ْکیس نمٹا دیا

بدھ 16 جنوری 2019 15:40

اسلام آباد(اُردو پوائنٹ اخبارتازہ ترین - این این آئی۔ 16 جنوری2019ء) سپریم کورٹ آف پاکستان نے اٹھارہویں ترمیم سے متعلق سندھ حکومت کی درخواست مسترد کرتے ہوئے کیس نمٹا دیا ۔ بدھ کو چیف جسٹس پاکستان جسٹس میاں ثاقب نثار نے اٹھارہویں ترمیم سے متعلق فیصلہ پڑھ کر سنایا ۔درخواست مسترد ہونے کی وجوہات سپریم کورٹ کے تفصیلی فیصلے میں دی جائیں گی۔

(جاری ہے)

یاد رہے کہ سندھ حکومت نے صوبائی اختیارات سے متعلق سپریم کورٹ میں درخواست دائر کر رکھی تھی۔اعلیٰ عدالت نے سندھ حکومت کی درخواست مسترد کرتے ہوئے کیس نمٹا دیا۔یاد رہے کہ پاکستان کے آئین میں اٹھارویں ترمیم 8 اپریل 2010 کو قومی اسمبلی نے منظور کی گئی جس کے تحت صدر کے پاس موجود تمام ایگزیکٹو اختیارات پارلیمان کو منتقل ہوئے۔اس ترمیم کے ذریعے پاکستان کے شمالی مغربی سرحدی صوبے (سرحد) کا نام تبدیل کر کے خیبر پختونخوا رکھا گیا اور وفاق سے زیادہ تر اختیارات صوبوں کو منتقل ہوئے۔