بے نظیر بھٹو یونیورسٹی، لیاری میں سالانہ مشاعرے کا انعقاد

جمعرات 24 جنوری 2019 22:34

کراچی۔ (اُردو پوائنٹ اخبارتازہ ترین - اے پی پی۔ 24 جنوری2019ء) بے نظیر بھٹو یونیورسٹی، لیاری میں 26 جنوری بروز ہفتہ ’’لیاری سالانہ مشاعرہ، جشنِ افضال احمد سید‘‘ کا انعقاد کیا جا رہا ہے جس میں نامی گرامی شعرا شریک ہوں گے۔

(جاری ہے)

جاری کردہ اعلامیہ کے مطابق مہمان شاعروں میں تسنیم عابدی (امریکا)، شہزاد شرجیل (اسلام آباد)، احمد عطا (گجرات)، عزیر جیلانی (ٹنڈو محمد خان) اور رضوان فاخر (کوئٹہ) شامل ہیں، جبکہ کراچی کے نام ور شعرا خالد معین، فاضل جمیلی، اجمل سراج، شہزاد شرجیل اور دیگر بھی اپنا کلام پیش کریں گے۔

یہ مشاعرہ آرٹ کلچر سوسائٹی کی طرف سے منعقد کیا جا رہا ہے جو لیاری میں ادبی سرگرمیوں کے فروغ کے لیے کوشاں ہے۔ آرٹس کونسل آف پاکستان، کراچی کے صدر محمد احمد شاہ اور معروف مصور شاہد رسام تقریب کے مہمانِ خاص ہوں گے، جبکہ نظامت کے فرائض نیل احمد اور ظہیر ظرف انجام دیں گے۔