ملک کے مخلتف حصوں میں زلزے کے جھٹکے

زلزلہ پیما مرکز کے مطابق ریکٹر سکیل پر زلزلے کی شدت 5.8 ریکارڈ کی گئی

Muqadas Farooq مقدس فاروق اعوان ہفتہ 2 فروری 2019 17:24

لاہور (اُردو پوائنٹ تازہ ترین اخبار۔ 02 فروری 2019ء) : اسلام آباد اور راولپنڈی میں زلزلے کے شدید جھٹکے محسوس کیے گئے میڈیا رپورٹس میں بتایا گیا ہے کہ لاہور اور گردو نواح میں بھی زلزلے کے جھٹکے محسوس کیے گئے ہیں اس کے علاوہ ڈی آئی جی خان، کوہاٹ، لوئیر دیر ،ایبٹ آباد،شیخوپورہ،چارسدہ اور پشاور سمیت ملک کے مخلتف حصوں میں زلزے کے جھٹکے محسوس کیے گئے۔

ریکٹر سکیل پر زلزلے کی شدت 5.8جب کہ گہرای 80 کلو میٹر بتائی جا رہی ہے۔زلزلے کا مرکز کوہ ہندوکش افغانستان تھا۔ زلزلے کے جھٹکوں کے بعد لوگوں میں کافی خوف و ہراس پایا جا رہا ہے۔ زلزلے کے نتیجے میں تاحال کسی جانی یا مالی نقصان کی اطلاع موصول نہیں ہوئی۔زلزلے کے جھٹکوں کے باعث شہری کلمہ طیبہ کا ورد کرتے ہوئے گھروں سے باہر نکل آئے ۔

(جاری ہے)

اس سے قبل آج صبح کراچی کے نواحی علاقوں میں زلزلے کے جھٹکے محسوس کیے گئے تھے۔

زلزلے کے جھٹکے محسوس ہوتے ہی لوگ گھروں سے باہر نکل آئے تھے ۔ ریکٹر اسکیل پر زلزلے کی شدت 2.9 ریکارڈ کی گئی تھی جب کہ زلزلے کی گہرائی 15 کلومیٹر تھی۔ زلزلے میں کسی جانی یا مالی نقصان کی اطلاع موصول نہیں ہوئی تھیں۔اور آج پھر ملک کے مخلتف حصوں میں زلزے محسوس کیے گئے ہیں۔لوگ اپنے دفاتر سے باہر نکل آئے اور مسلسل کلمہ طیبہ کا ورد کرتے رہے۔زلزلہ پیما مرکز کے مطابق ریکٹر سکیل پر زلزلے کی شدت 5.8 ریکارڈ کی گئی۔زلزے کے جھٹکے لاہور اور کراچی سمیت ملک کے بڑے شہروں میں محسوس کیے گئے تھے۔زلزلے کے نتیجے میں تاحال کسی جانی یا مالی نقصان کی اطلاع موصول نہیں ہوئی۔تاہم بتایا جا رہا کہ پاکستان کے بیشتر علاقے زلزے کی زد میں آئے جس سے لوگوں میں شدید خوف و ہراس پایا جا رہا ہے۔