سعودی ولی عہد شہزادہ محمد بن سلمان کا دورہ پاک سعودی تعلقات کی تاریخ میں اہم سنگ میل ہے‘افتخار علی ملک
دوطرفہ تعلقات کے فروغ، اقتصادی شعبے میں تعاون کی نئی راہیں کھلیں گی اور تجارتی حجم میں اضافہ ہو گا‘ سینئر نائب صدر سارک چیمبر
جمعہ 15 فروری 2019 12:59
(جاری ہے)
انہوں نے کہا کہ پاک سعودی تعلقات تاریخی اور باہمی دلچسپی و اعتماد پر مبنی ہیں اور سعودی حکومت نے ہمیشہ ہر مشکل وقت میں پاکستان کی فراخدلانہ مدد کی ہے۔
2005 کے تباہ کن زلزلہ کے موقع پر 10 ملین ڈالر، 2010 کے سیلاب کے دوران 170 ملین ڈالر اور 2014 کے اقتصادی بحران میں 1.5 بلین ڈالر کی گرانٹ اس کا منہ بولتا ثبوت ہے۔ انہوں نے کہا کہ یہ انتہائی خوش آئند ہے کہ سعودی عرب قرض نہیں دے رہا بلکہ زرمبادلہ کے ذخائر کے استحکام، کرنسی اور بیرونی ادائیگیوں کے توازن کیلئے تقریباً دو سے تین ارب ڈالر اور مختلف منصوبوں میں تقریبا 9 بلین ڈالر کی سرمایہ کاری کر رہا ہے۔ انہوں نے مزید کہا کہ ولی عہد کے دورہ کے دوران سعودی عرب رعایتی نرخوں پر تیل کی فراہمی پر آمادہ ہو گیا تو یہ پاکستان کے لئے بہت زیادہ فائدہ مند ہو گا اور امپورٹ بل پر دباؤ میں کمی آئے گی۔ افتخار علی ملک نے کہا کہ ٹیرف اور نان ٹیرف رکاوٹوں کے خاتمے سے سعودی عرب کو برآمدات میں بہتری لائی جا سکتی ہے کیونکہ یہ مال اور خدمات کی تجارت میں کمی کا باعث بن رہی ہیں۔ انہوں نے کہا کہ پاکستان اور سعودی عرب کے درمیان دو طرفہ تجارت کی زبردست صلاحیت کے باوجود اس کا حجم صرف 3.4 بلین ڈالر ہے اور اس کا توازن بھی سعودی عرب کے حق میں ہے۔ اسٹیٹ بینک آف پاکستان کے اعداد و شمار کے مطابق گذشتہ مالی سال کے دوران پاکستان نے سعودی عرب سے 3.1 بلین ڈالر کی مالیت درآمد کیں جبکہ برآمدات کا حجم صرف 316.7 ملین ڈالر رہا۔ انہوں نے کہا کہ دونوں ممالک کے سرمایہ کار کاروباری مواقع سے بھر پور استفادہ کرکے دو طرفہ تعلقات کو نئی بلندیوں پر لے جا سکتے ہیں۔ دونوں ممالک کی کاروباری برادری کے مابین نئے معاہدوں اور سرمایہ کاری کے نئے مواقع کی تلاش کیلئے اقدامات کی بھی ضرورت ہے۔ انہوں نے کہا کہ پاکستان کو سعودی عرب میں آئی ٹی منصوبوں کے کنٹریکٹ کے حصول اور زراعت سمیت نئے سیکٹرز کی تلاش کی کوششیں کرنا ہونگی۔ جدید کارپوریٹ فارمنگ میں بہت زیادہ منافع کے مواقع کے پیش نظر سعودی سرمایہ کاروں کو پاکستان میں سرمایہ کاری پر آمادہ کیا جا سکتا ہے۔ افتخار علی ملک نے کہا کہ سی پیک کے میگا پراجیکٹس میں سعودی عرب کی سرمایہ کاری دونوں ملکوں کے لئے فائدہ مند ہوگی کیونکہ یہ دنیا کے ان حصوں سے آپس میں منسلک کرے گا جن کے درمیان کوئی کنیکٹوٹی نہیں یا وہ نہ ہونے کی برابر ہے۔ اقتصادی راہداری نہ صرف چین کو افریقہ اور مشرق وسطی تک سستی رسائی فراہم کرے گی بلکہ دنیا کی دوسری بڑی معیشت کو تجارت میں ٹرانزٹ سہولیات فراہم کرکے پاکستان بھی اربوں ڈالر کما سکتا ہے۔مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.