پلوامہ حملہ کشمیریوں پر ہونے والے ظلم کا رد عمل ہے، بھارت کی طرف سے جارحیت کا مل کر جواب دیا جائیگا، اسحا ق ڈار

پاکستان ایک ایٹمی ملک ہے، کوئی کسی بھول میں نہ رہے، پاکستانی قوم کل بھی متحد تھی اور آج بھی پوری طرح متحد ہے، سابق وزیر

ہفتہ 23 فروری 2019 19:33

پلوامہ حملہ کشمیریوں پر ہونے والے ظلم کا رد عمل ہے، بھارت کی طرف سے ..

لندن(اُردو پوائنٹ اخبارتازہ ترین - این این آئی۔ 23 فروری2019ء) پاکستان مسلم لیگ (ن)کے رہنما سابق وزیر خزانہ اسحاق ڈار نے کہا ہے کہ مقبوضہ کشمیر میں بھارت نے کشمیریوں پر ظلم کی انتہا کی، پلوامہ حملہ کشمیریوں پر ہونے والے ظلم کا رد عمل ہے، بھارت کی طرف سے جارحیت کا مل کر جواب دیا جائیگا، پاکستان ایک ایٹمی ملک ہے، کوئی کسی بھول میں نہ رہے، پاکستانی قوم کل بھی متحد تھی اور آج بھی پوری طرح متحد ہے۔

سابق وفاقی وزیر خزانہ اسحق ڈار کا میڈیا سے گفتگو میں کہا کہ دہشت گردی کی جنگ میں سب سے زیادہ نقصان پاکستان نے اٹھایا ہے، دہشت گردی کی جنگ میں پاکستان نے پچاس ہزار سے زائد سول، پولیس اور فوج کے جوانوں نے قربانی دی، مسلم لیگ ن کی حکومت نے دہشت گردی کے خلاف آپریشن کا آغاز کیا، پاکستان کی قربانیوں کے بعد الٹا پاکستان پر الزام لگانا قابل افسوس ہے۔

(جاری ہے)

دوسری جانب اسحاق ڈار کا لندن کے ہسپتال میں طبعی معائنہ کیا گیا۔ اسحق ڈار کی ریڑھ کی ھڈی کا سکین بھی کیا گیا جبکہ رپورٹ چند میں آئیگی۔ ڈاکٹرز نے اسحاق ڈار کو سرجری کروانے کا مشورہ دے دیا جبکہ انکی فیملی نے سرجری کی مخالفت کر دی ہے۔آپریشن کے دوران چھوٹی سی غلطی سے بھی معذور ہونے کا خدشہ ظاہر کیا گیا ہے جس کے باعث رپورٹس آنے کے بعد ماہر ڈاکٹر سرجری کا حتمی فیصلہ کریں گے۔