خیبرپختونخوا میں بارشوں اوربرفباری ،سردی کی شدت میں اضافہ

پشاور(اُردو پوائنٹ اخبارتازہ ترین - این این آئی۔ 01 مارچ2019ء) خیبر پختونخوا میں جمعہ سے سوموار تک اکثر مقامات پر تیز ہوائوں اور گرج چمک کے ساتھ بارش جبکہ پہاڑوں پر برفباری کا امکان ہے ،مختلف مقامات پر موسلا دھار بارش کا بھی امکان ہے ،پشاور میں ہلکی بوندا باندی کا سلسلہ سے موسم مزید سرد ہوگیا۔محکمہ موسمیات کے مطابق خیبر پختونخوا کے مختلف اضلاع میں جمعے سے روز سوموار تک اکثر مقامات پر ہلکی اور موسلا دھار بارش کا امکان ہے ۔

(جاری ہے)

ملاکنڈ ،ہزارہ گلگت بلستان میں لینڈ سلائیڈنگ کا خدشہ ہے ،محکمہ موسمیات کے مطابق ملاکنڈ ،ہزادہ ،پشاور ،مردان میں کہیں کہیں تیز ہوائوں اور گرج چمک کے ساتھ بارش اور پہاڑوں پر برفباری کا امکان ہے محکمہ موسمیات کے مطابق گزشتہ چوبیس گھنٹوں میں بنوں اور ڈی آئی خان میں 11 ملی میٹر ،پارہ چنار میں 06 اور کالام میں ایک ملی میٹر بارش ریکارڈ کی گئی ،پشاور میں مختلف مقامات پر ہلکی بوندا باندی کا سلسلہ جاری ہے۔ استور میں منفی 11، کالام میں منفی 10،اسکردو منفی چھ،مالم جبہ اور پاراچنار میں منفی 5،اور دیر میں منفی دو ریکارڈ کیاگیا۔۔