عدالتوں کے فیصلوں کا ہمیشہ احترام کیا ، اللہ کا بڑا کرم ہے نوازشریف کی ضمانت ہوئی ‘شہباز شریف
میاں صاحب گھر پہنچیں گے تو علاج بارے مشاورت کی جائیگی ‘دعا کریں کہ اللہ تعالی نواز شریف کو صحت کاملہ عطا فرمائے تمام اہل وطن، دوست احباب ،پارٹی کارکنان کا شکریہ ان کی دعائوں کے طفیل ممکن ہوا‘گفتگو /حمزہ شہباز ،مریم نواز بھی اللہ کے شکر گزار
منگل 26 مارچ 2019 17:03
(جاری ہے)
جب صحافی نے ان سے سوال کیا کہ آج مسلم لیگ (ن) کیلئے 2 اچھی خبریں ہیں جن میں ایک نواز شریف کی ضمانت ہے اور دوسری آپ کا نام بھی ای سی ایل سے نکالنا ۔
جس پر شہباز شریف نے کہا کہ آج کی بڑی خبر نواز شریف کی ضمانت ہے۔علاج سے متعلق سوال پر انہوں نے کہا کہ میاں صاحب گھر آئیں گے توان کے علاج پر مشاورت کریں گے ،میاں صاحب کی رہائی پر مبارکبادپیش کرتاہوں۔شہباز شریف نے اپنے ایک بیان میں کہا کہ محمد نواز شریف کی ضمانت پر اللہ تعالی کا شکر ادا کرتے ہیں کہ اس نے ہمیں ایک مرتبہ پھر اپنی رحمتوں اور مہربانی سے سرفراز فرمایا ہے،معزز عدالت کا شکریہ ادا کرتے ہیں کہ انصاف کے تقاضے پورے کرتے ہوئے اور نواز شریف صاحب کی بیماری سے متعلق میڈیکل رپورٹس کو مدنظر رکھتے ہوئے ضمانت کی درخواست منظور کی گئی،تمام اہل وطن، دوست احباب اور پارٹی کارکنان سب کا شکریہ ادا کرتے ہیں، ان کی دعائوں کے طفیل ہی یہ ممکن ہوا۔انہوں نے کہا کہ نواز شریف کی صحت اور علاج معالجہ اولین ترجیح ہے،ہماری توجہ کا محور و مرکز محمد نواز شریف کی صحت اور تندرستی ہے،دعا کریں کہ اللہ تعالی محمد نواز شریف کو صحت کاملہ عطا فرمائے۔ دوسری جانب پنجاب اسمبلی میں قائد حزبِ اختلاف پنجاب اسمبلی حمزہ شہباز نے قائد پاکستان مسلم لیگ (ن) محمد نوازشریف کی ضمانت پر اظہارِ تشکر کیا ہے ۔ انہوں نے کہا کہ آج ہمیں اللہ تعالیٰ کا شکر ادا کرنا چاہیے، دعا ہے کہ اللہ نواز شریف کو اچھی صحت عطا فرمائے۔قبل ازیں نواز شریف کو سپریم کورٹ سے 6 ہفتوں کی ضمانت ملنے کے بعد انکی مریم نواز نے بھی سماجی رابطے کی ویب سائٹ پر ٹوئٹ کرکے اللہ تعالی کا شکر ادا کیا۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.