رحیم یارخان، عشرت اشرف بلا مقابلہ چیئرمین قائمہ کمیٹی برائے عشر و زکواة پنجاب منتخب

ہفتہ 13 اپریل 2019 23:24

رحیم یارخان۔ (اُردو پوائنٹ اخبارتازہ ترین - اے پی پی۔ 13 اپریل2019ء) پاکستان مسلم لیگ(ن) شعبہ خواتین کی سابق مرکزی صدر، رکن پنجاب اسمبلی محترمہ عشرت اشرف کو بلا مقابلہ چیئرمین قائمہ کمیٹی برائے عشر و زکواة پنجاب منتخب کر لیا گیا۔

(جاری ہے)

سینئر پارلیمنٹرین کے مقابلہ میں کسی بھی جماعت کے امیدوار نے کاغذات نامزدگی جمع نہیں کرائے، محترمہ عشرت اشرف قبل ازیں بھی ملکی سیاست میں اہم عہدوں پر رہتے ہوئے خدمات سر انجام دے چکی ہیں۔

محترمہ عشرت اشرف نے کہا کہ ہمیشہ اپنی ذمہ داریوں کو ملکی مفاد اور عوامی بہبود کے لئے استعمال کیااور ملکی و قو می خدمات کو تمام تر مفادات پر ترجیح دی ہے یہی وجہ ہے کہ اپوزیشن میں ہوتے ہوئے بھی تمام جماعتوں نے مجھ پر اعتماد کا اظہار کیا ہے ۔ انہوں نے کہا کہ خدمت و شرافت کی سیاست ہمارے خاندان کا طرہ امتیاز ہے ۔