داعش اور القاعدہ کو اسلام کا چہرہ بنا کر پیش کیا جا رہا ہے ، دنیا بھر میں مسلمان کہہ رہے ہیں یہ تنظیمیں مسلمانوں کی نمائندگی نہیں کرتی، سردار مسعود خان
راشٹریہ سوائم سیوک سنگ ، بجرنگ دل اور بی جے پی ایک ہی وجود کے مختلف چہرے ، داعش اور القاعدہ کی نئی شکلیں ہیں جو خطہ کے امن کو تہہ و بالا کرنے پر تلی ہوئی ہیں، صدر آزاد کشمیر کا کتاب کی تقریب رونمائی سے خطاب
جمعرات 18 جولائی 2019 17:36
(جاری ہے)
انہوں نے کہا کہ داعش دہشت گردی کی انتہائی شکل ہے جو اب ہندو انتہا پسندی کی شکل میں بھارت کے مسلمانوں اور کشمیریوں کو اپنی نفرت انگیز مہم کا نشانہ بنا کر اور پاکستان کو اپنا دشمن ٹھہرانے کی شکل میں ظاہر ہو رہی ہے ۔
انہوں نے سینیٹر رحمان ملک کو اس اہم موقع پر اس موضوع پر کتاب لکھنے پر مبارکباد دیتے ہوئے کہا کہ انہوں نے اس کتاب میں خوبصورتی سے داعش کے ارتقا، اس کو مالی وسائل کی فراہمی اور القاعدہ کے ساتھ داعش کے تعلق کو واضح کیا ہے ۔انہوں نے کہا کہ سینیٹر رحمان ملک کی کتاب اسلام کے بارے میں دنیا میں پائے جانے والے منفی تاثر کو ختم کرنے میں اہم کردار ادا کرے گی۔صدر آزاد کشمیر نے داعش کو مسلم ا ور غیر مسلم اقوام کے درمیان خلیج پیدا کرنے کیلئے آلہ کار قرار دیتے ہوئے کہا کہ اس تنظیم کا ایجنڈ ا یہ ہے کہ مخصوص ممالک کے سیاسی ، عسکری اور معاشی نظام کے تار پور کو بکھیر دیا جائے۔ انہوں نے شرکاء تقریب کو بتایا کہ داعش اور راشٹریہ سیوک سنگ کے درمیان گٹھ جوڑ سے کوئی انکار نہیں کر سکتا کیونکہ بھارت کے حالیہ انتخابات کے بعد آر ایس ایس ، بجرنگ دل اور شیوسینا نے پورے برصغیر بالخصوص بھارت اور مقبوضہ کشمیر میں رہنے والے مسلمانوں کو اپنا ہدف بنانے اور پاکستان کو اپنا دشمن قرار دینے کی حکمت عملی ترتیب دی ہے ۔ یہ ہندوانتہا پسند تنظیمیں ہندوستان کی نئی تاریخ رقم کرنے اور پاکستان کی تخلیق کی نفی کرکے "اکھنڈ بھارت"یا مہا بھارت " کے خواب دیکھ رہی ہیں ۔ یہ انتہا پسند تنظیمیں -"زعفرانی جنگ "کے نظریے کے تحت مسلمانوں کو ذبردستی ہندو مذہب اختیار کر نے پر مجبو ر کررہی ہیں ۔ انہوں نے کہا کہ بھارت نے داعش کو مقبوضہ کشمیر میںپروان چڑہایا ہے تاکہ وہ مقبوضہ جموںو کشمیر کے مسلمانوں کی غیر مسلح اور پرامن جدوجہد کو بدنام کر کے دنیا کی ہمدردیاں حاصل کر سکے ۔ صدر آزاد کشمیر نے کہا کہ حقیقت یہ ہے کہ مقبوضہ کشمیر میں آر ایس ایس اور بی جے پی ہی اصل دہشت گرد ہیں ۔ انہوںنے کہا کہ بھارت سات لاکھ اسی ہزار فوج کے ساتھ کشمیری نوجوانوں کو قتل ، زخمی اور معذور بنانے اور خواتین کی بے حرمتی کرنے میں مصروف ہے۔ صدر سردارمسعودخان نے دو ٹوک انداز میں واضح کیا کہ کشمیری عوام کی جدوجہد پرامن ہے جس میں نہتے کشمیری اپنے حق خودارادیت کے لئے مصروف جدو جہد ہیں ۔انہوںنے کہا کہ بھارت کے تمام تر مظالم اور منفی ہتھکنڈوں کے باوجودکشمیر ی جدوجہد آزادی جاری رکھنے کیلئے پرعزم ہیں ۔ انہوں نے کہا کہ ہم کشمیری اور پاکستان پر امن ذرائع اور اقوام متحدہ کی سلامتی کونسل کی قراردادوں کے مطابق مسئلہ کشمیر کے حل پر یقین رکھتے ہیں لیکن بھارت پرامن ذرائع سے مسئلہ کشمیر حل کرنے کیلئے سنجیدہ نظر نہیں آتا ۔ انہوںنے قومی اتحاد اور یکجہتی پر ذور دیتے ہوئے کہا کہ ہم اپنی صفوں میں کامل اتحاد پیدا کر کے ہی خطہ میں جنم لینے والی انتہا پسندی کی لہر اور طوفان سے نوجوان نسل کو محفوظ رکھ سکتے ہیں ۔ تقریب سے کتاب کے مصنف رحمان ملک کے علاوہ سری لنکا کے ہائی کمشنر نور دین محمد شاہد ، صدر سینٹرفار گلوبل اینڈ سٹریٹیجک اسٹڈیز جنرل خالد جعفری ،سفارکار آصف درانی ، سابق سیکرٹری داخلہ سید کمال شاہ اور سینئر صحافی طاہر خلیل نے بھی خطاب کیا۔مزید قومی خبریں
-
لاہور ، بدنام زمانہ ڈکیت گینگ کے 2ارکان گرفتار
-
پاکستان امن کا گہوارہ نہ بنا تو ترقی وخوشحالی کے تمام تر خواب شرمندہ تعبیر نہیں ہوسکیں گے‘احسن اقبال
-
امن کے بغیر پائیدار ترقی اور خوشحالی ممکن نہیں ، وفاقی وزیر برائے منصوبہ بندی و ترقی یونیورسٹی آف نارووال میں کانفرنس سے خطاب
-
خیبر،جمرود پولیس کی کارروائی، 2ملزمان گرفتار
-
وزیراعظم یوتھ پروگرام کا مقصد نوجوانوں کی صلاحیتوں کومناسب پلیٹ فارم مہیا کرکے ملک کو معاشی ترقی کی راہ پر گامزن کرنا ہے، رانا مشہود احمد خان
-
احسن اقبال کی عام انتخابات میں کامیابی کے نوٹیفیکیشن کو کالعدم قرار دینے کی درخواست پر فریقین کو نوٹس جاری
-
وزارت آئی ٹی نوجوانوں کی ترقی کیلئے کوشاں ہے، شنزہ فاطمہ
-
جلد رجسٹریشن کرائیں،10مئی کے بعد غیر رجسٹرڈ گاڑیوں کو تحویل میں لے لیا جائے گا، شرجیل میمن
-
پی ٹی آئی خواتین رہنماوں صنم جاوید اور عالیہ حمزہ کے جوڈیشل ریمانڈ میں توسیع
-
متنازع ٹویٹس کیس میں اعظم سواتی کی عبوری ضمانت میں 15 مئی تک توسیع
-
وفاقی وزراء محسن نقوی اور خواجہ محمد آصف کا سیالکوٹ ائیر پورٹ کا دورہ ، بیرون ملک جانے والے مسافروں کے لئے موجود سہولتوں پر عدم اطمینان کا اظہار ، فوری سہولیات فراہم کرنے کی ہدایت
-
وزیراعظم کے وژن کے مطابق نوجوانوں کی تعلیم و تربیت کے لئے اقدامات کئے جا رہے ہیں ، رانا مشہود احمد خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.