شمالی عراق میں متعدد کارروائیوں کے نتیجے میں 34 کرد باغی مارے گئے، ترک وزیر دفاع

اتوار 28 جولائی 2019 10:35

انقرہ۔ (اُردو پوائنٹ اخبارتازہ ترین - اے پی پی۔ 28 جولائی2019ء) ترک وزیر دفاع ہولوسی اکار نے کہا ہے کہ شمالی عراق میں متعدد کارروائیوں کے نتیجے میں34 کرد باغی مار دیے گئے ہیں۔

(جاری ہے)

ہفتے کے دن انہوں نے استنبول میں صحافیوں کو بتایا کہ یہ کارروائیاںحالیہ دنوں میں کی گئیں جن میں کردستان ورکرز پارٹی کے ٹھکانوں کو نشانہ بنایا گیا۔ ترک حکومت کے علاوہ یورپی یونین اور امریکا بھی کردوں کی اس پارٹی کو دہشت گرد قرار دیتے ہیں۔ یہ باغی ترکی کے جنوب مشرقی کرد ریجن میں1984ء سے آزدی کی مسلح تحریک چلا رہے ہیں۔