راجن پور میں 15ستمبرسے خوشحالی سروے کا آغاز کیا جائیگا،ڈسٹرکٹ ہیڈ آپریشن ارشد بخاری

بدھ 11 ستمبر 2019 16:35

راجن پور (اُردو پوائنٹ اخبارتازہ ترین - اے پی پی۔ 11 ستمبر2019ء) ضلع راجن پور میں 15ستمبرسے خوشحالی سروے کا آغاز کیا جائیگا۔گھر گھر ہونے والے سروے میں غربت کی لکیر سے نیچے زندگی بسر کرنے والے افراد کو بے نظیر انکم سپورٹ پروگرام میں شامل کیا جائیگا۔

(جاری ہے)

جس کے نتیجہ میں ان افراد کو صحت سہولت کارڈ جاری کیے جائیں گے اور انہیں وسیلہ تعلیم، وسیلہ روزگار اور وسیلہ حق کا مستحق بھی قرار دیا جائے گا۔

اس مقصد کے لیے 200 افراد کی خدمات حاصل کر لی گئیں ہیں۔یہ بات ڈسٹرکٹ ہیڈ آپریشن ارشد بخاری نے ایک بریفنگ دیتے ہوئے بتائی۔ بریفنگ میں بتایا گیا کہ سروے کے لیے ملتان، ڈیرہ غازی خان اور ساہیوال ڈویثر ن پر مشتمل جنوبی پنجاب کلسٹر جبکہ سرگودھا ،لاہور اور فیصل آباد ڈویثر ن پر مشتمل اپر پنجاب کلسٹر بنایا گیا ہے اور ان کے ضلعی ہیڈکوارٹر زبھی قائم کر دیئے گئے ہیں۔