سپریم کورٹ نے این اے 259 ڈیرہ بگٹی کے 29 پولنگ اسٹیشنز پر دوبارہ پولنگ کا حکم دیدیا

الیکشن کمیشن 90 دن میں پولنگ اور نتائج کا اعلان یقینی بنائے، سپریم کورٹ

بدھ ستمبر 22:16

اسلام آباد (اُردو پوائنٹ اخبارتازہ ترین - آن لائن۔ 18 ستمبر2019ء) سپریم کورٹ نے این اے 259 ڈیرہ بگٹی کے 29 پولنگ اسٹیشنز پر دوبارہ پولنگ کا حکم دیدیاہے۔عدالتی حکم میں قرار دیا گیا ہے کہ الیکشن کمیشن 90 دن میں پولنگ اور نتائج کا اعلان یقینی بنائی.کیس کی سماعت جسٹس گلزار احمد کی سربراہی میں تین رکنی بنچ نے کی۔

(جاری ہے)

جے ڈبلیو پی کے شاہ زین بگٹی کی دوبارہ الیکشن کے حکم کیخلاف سپریم کورٹ میں اپیل دائر کر رکھی تھی. عدالت نے الیکشن ٹربیونل کا فیصلہ برقرار رکھتے ہوئے اپیل نمٹا دی ہے .الیکشن ٹربیونل نے بھی قومی اسمبلی کے حلقہ این اے 259 کے 29 پولنگ سٹیشنز پر دوبارہ پولنگ کا حکم دیا تھا. شاہ زین بگٹی کی کامیابی مخالف امیدوار طارق کھیتران نے چیلنج کی تھی.الیکشن ٹربیونل نے انتخابات کالعدم قرار دیتے ہوئے 29 پولنگ سٹیشنز پر دوبارہ الیکشن کا حکم دیا تھا۔

۔۔۔توصیف