حقیقی زندگی کا ہوبٹ پچھلی دو دہائیوں سے پہاڑی کے دامن میں تنہا زندگی گزار رہا ہے
امین اکبر اتوار 6 اکتوبر 2019 23:40
ایک وقت تھا جب ڈین کامیاب یا ذہنی دباؤ سے بھرپور فوٹو جرنلسٹ کے طور پر کام کر رہے تھے اور اپنے خاندان کے ساتھ رہتے تھے۔ تاہم جلد ہی وہ زندگی کی دوڑ سے اکتا گئے۔ انہوں نے 1974 میں شائع ہونے والی ہارلان ہابارڈ کی کتاب پین ہولو (Payne Hollow) سے متاثر ہو کر جدید زندگی کو چھوڑ دیا۔اُن کا خیال تھا کہ وہ ہر روز صبح جاگ کر کام پر صرف اس لیے جاتے ہیں تاکہ نارمل زندگی گزارنے کے لیے بلوں کی ادائیگی کر سکیں۔
(جاری ہے)
ہارلان کی کتاب پڑھ کر انہیں لگا کہ وہ کچھ اور یا کافی کم چاہتے ہیں۔
انہوں نے اپنی ملازمت چھوڑی، اپنا خاندان چھوڑا اور اپنی آبائی ریاست اوریگون چلے آئے اور ایک پہاڑی چراگاہ میں رہنے لگے۔ڈین نے 2015 کے ایک انٹرویو میں بتایا کہ اب وہ گھروں اور گھر گروی رکھنے پر یقین نہیں رکھتے۔اُن کے خیال میں ساری زندگی ایک ایسی عمارت کی ادائیگی کے لیے کام کرنا عقلمندی نہیں، جس میں رہنے کے لیے بہت کم وقت ملے۔پہلے پہل تو وہ ایک ٹیپی (قدیم طرز کا مخروطی خیمہ) میں رہتے تھے۔ اس کے بعد انہوں نے اپنے لیے ایک گنبد بنایا۔ چند سال وہ اس گنبد میں رہے۔ چند سال انہوں نے پہاڑی خیموں میں گزارے۔ اس کے بعد انہوں نے ایک چھوٹی سی جھونپڑی بنائی۔ یہ ہوبٹ کی رہائش کی طرح بنی ہوئی ہے۔ اس میں جانے کے لیے ایک چھوٹے سوراخ سے گزرنا پڑتا ہے۔ اس کی چھت پر ایک روشن دان نصب ہے،جہاں سے وہ آسمان کا نظارہ کرتے ہیں اور سائیڈ کی کھڑکی سے چراگاہ کو دیکھتے ہیں۔
ڈین کے پاس کھانا پکانے کے لیے گرم پلیٹ بھی ہے۔ سردی ناقابل برداشت ہو جائے تو وہ سرامک کے ہیٹر کا استعمال کرتے ہیں۔اُن کا دعویٰ ہے کہ زمین سے کچھ نیچے رہنے کی وجہ سے سردیوں میں انہیں گرمائش اور گرمیوں میں ٹھنڈ کا احساس ہوتا ہے۔
ڈین نے اپنے اوپر سال میں پانچ ہزار ڈالر تک خرچ کرنے کی ہی پابندی لگائی ہوئی ہے۔ دو ایکڑ کے جس قطعے پر وہ رہتے ہیں، اس کا سالانہ کرایہ صرف 100 ڈالر ہے، ان کے پاس بجلی اوردوسری چیزوں پر خرچ کرنے کے لیے بھی اچھی خاصی رقم بچ جاتی ہے۔ اُن کا موبائل پلان 53 ڈالر کا ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.