Live Updates

الیکشن کمیشن نے ضابطہ اخلاق خلاف ورزی کیس میں وزیراعلی سندھ کے خلاف درخواست کو خارج کردیا

جمعرات 17 اکتوبر 2019 13:49

الیکشن کمیشن نے ضابطہ اخلاق خلاف ورزی کیس میں وزیراعلی سندھ کے خلاف ..
کراچی(اُردو پوائنٹ اخبارتازہ ترین - این این آئی۔ 17 اکتوبر2019ء) الیکشن کمیشن نے ضابطہ اخلاق خلاف ورزی کیس میں وزیراعلی سندھ کے خلاف درخواست کو خارج کردیا ہے۔

(جاری ہے)

پی ٹی آئی رہنماحلیم عادل شیخ نے وزیراعلی سندھ پر این اے 205 گھوٹکی کے ضمنی الیکشن میں ضابطہ اخلاق کی خلاف ورزی کا الزام عائد کیا تھا، اپنی درخواست میں پی ٹی آئی رہنما نے صوبائی وزیر سعید غنی سمیت دیگر وزرا کیخلاف بھی کارروائی کی استدعا کر رکھی تھی۔

جمعرات کو ہونے والی سماعت کے موقع پر حلیم عادل شیخ کی جانب سے کوئی بھی پیروی کیلئے پیش نہ ہوا، جس پر الیکشن کمیشن نے درخواست کو خارج کردیا ہے۔پی ٹی آئی رہنما کی درخواست پر چیف الیکشن کمشنر سردار محمد رضا کی سربراہی میں تین رکنی کمیشن نے سماعت کے بعد درخواست کو خارج کیا۔
Live پاکستان تحریک انصاف سے متعلق تازہ ترین معلومات