نیتھن لیون کو بابراعظم اور اظہرعلی آسٹریلیا کیلئے خطرہ محسوس ہونے لگے

اظہر علی اور بابر اعظم کسی وقت بھی کھیل کا پانسہ پلٹ سکتے ہیں:آسٹریلوی سپنر

جمعہ 25 اکتوبر 2019 20:34

نیتھن لیون کو بابراعظم اور اظہرعلی آسٹریلیا کیلئے خطرہ محسوس ہونے ..

سڈنی(اُردو پوائنٹ اخبارتازہ ترین - آن لائن۔ 25 اکتوبر2019ء) آسٹریلوی آف سپنر نیتھن لیون کا کہنا تھا کہ انہوں نے ایسے پاکستانی کھلاڑیوں پر کڑی نگاہ رکھی ہوئی ہے جو آسٹریلیا کے لیے مسائل پیدا کرسکتے ہیں۔ ان کا کہنا تھا کہ پاکستان کے ٹاپ آرڈر بیٹسمین بابر اعظم اور اظہر علی آسٹریلیا کے لیے بڑا خطرہ ہیں جو کسی وقت بھی میچ کا پانسہ پلٹنے کی صلاحیت رکھتے ہیں۔

نیتھن لیون کا کہنا تھا کہ ان دونوں کھلاڑیوں میں ایکس فیکٹر موجود ہے۔

(جاری ہے)

بابر اعظم ورلڈ کلاس بلے باز ہیں جبکہ کپتان اظہر علی سے عمدہ کارکردگی کی توقع رکھی جاسکتی ہے۔ آخری دفعہ آسٹریلیا میں کھیلتے ہوئے انہوں نے شاندار کارکردگی کا مظاہرہ کیا تھا۔نیتھن لیون کا کہنا تھا کہ پاکستانی سکواڈ کو سامنے رکھتے ہوئے ہم اپنی بھرپور تیاری کررہے ہیں اور کوشش کریں گے کہ میچ میں اپنی بہترین کارکردگی پیش کریں،باؤلنگ کے دوران ہماری کوشش ہوگی کہ ہمارے بالرز مخالف ٹیم کا دفاع کمزور کرکے ان کے رنز کو آگے نہ بڑھنے دیں جبکہ بیٹنگ کے دوران ہمارے بلے بازوں کی کوشش ہوگی کہ دیر تک وکٹ پر رہتے ہوئے زیادہ سے زیادہ رنز سکور کریں۔