حکومت وزیراعظم کی قیادت میں ملک کو بحرانوں سے نکال کر ہی دم لے گی، غلام محی الدین

جمعہ 14 فروری 2020 16:07

لاہور (اُردو پوائنٹ اخبارتازہ ترین - اے پی پی۔ 14 فروری2020ء) تحریک انصاف شمالی لاہور کے صدر وممبر کشمیر قانون سازاسمبلی غلام محی الدین دیوان نے کہاہے کہ ملک کو ریاست مدینہ بنانے کا خواب صرف عمران خان کے دور اقتدار میں ہی دیکھا جا سکتا ہے۔

(جاری ہے)

یہاں جاری ایک بیان میں انہو ں نے کہاکہ پی ٹی آئی کی حکومت وزیراعظم کی قیادت میں ملک کو موجودہ بحرانوں سے نکال کر دم لے گی، ملکی معیشت بہتری کی طرف گامزن ہو چکی ہے۔انہوں نے کہاکہ اپوزیشن ساری مل کر بھی وزیراعظم عمران خان کا مقابلہ نہیں کرسکتی ، تحریک انصاف کی حکومت کو پانچ سال کا مینڈیٹ ملا ہے، ،حکومت آج احتساب کاعمل روک دے اور رعایتیں دینے کا اعلان کر دے تو یہی اپوزیشن حکومت کے گن گانا شروع ہو جائے گی۔