کبڈی ورلڈ کپ کے فائنل میں پاکستان نے بھارت کو پچھاڑ دیا

پاکستان نے پہلی بار کبڈی ورلڈ کپ جیتا ہے

Ahmad Tariq احمد طارق اتوار فروری 21:20

کبڈی ورلڈ کپ کے فائنل میں پاکستان نے بھارت کو پچھاڑ دیا
لاہور (اردوپوائنٹ اخبارتازہ ترین۔16 فروری 2020ء) پاکستان نے کبڈی ورلڈکپ میں بھارت کو شکست دے کر پہلی مرتبہ کبڈی کا عالمی چیمپئن بن گیا۔پنجاب سٹیڈیم، لاہور میں کھیلا جانے والا کبڈی لمحہ بہ لمحہ سنسنی خیز رہا۔ میچ کے پہلے ہاف میں بھارتی کھلاڑیوں نے بہترین داؤ پیج لگاتے ہوئے قومی ٹیم کے پہلوانوں کو قابو کیا اور پہلا ہاف اپنی برتری پر ختم کیا۔

دوسرے ہاف میں قومی پہلوانوں نے شاندار کم بیک کرتے ہوئے بھارتی پہلوانوں کو ایک نہ چلنے دی۔

(جاری ہے)

پہلے اپنے اوپر موجود خسارے کو ختم کیا اور پھر اس کے بعد بھارتی ٹیم پر برتری بھی حاصل کی۔میچ کے اختتامی لمحات میں بھارتی ٹیم نے ایک پوائنٹ پر تنازع کھڑا کردیاتاہم اعصاب شکن مقابلے میں قومی پہلوانوں نے روایتی حریف بھارت کو 41 کے مقابلے میں 43 پوائنٹس سے شکست دے دی۔اس فتح کے ساتھ ہی پاکستان پہلی مرتبہ کبڈی کا عالمی چیمپئن بھی بن گیا۔