لاہور (اُردو پوائنٹ اخبارتازہ ترین - این این آئی۔ 23 فروری2020ء) ایچ بی ایل
پاکستان سپر لیگ کے پانچویں ایڈیشن کی مایوس کن افتتاحی تقریب تنقید نہ رک سکی ، اب
ٹوئٹر پر ’پی سی بی جواب دو‘ ٹاپ ٹرینڈ بن گیا ہے۔تفصیلات کیمطابق 20 فروری کو
پاکستان سپر لیگ 5 کی افتتاحی تقریب نیشنل اسٹیڈیم میں منعقد کی گئی تھی جس کے بعد مداح بے حد مایوس ہوئے تھے۔بعد ازاں تقریب کے حوالے سے
سوشل میڈیا پر ایک بحث چھڑ گئی تھی جس میں کسی نے میزبان علی گوڈیل کو تنقید کا نشانہ بنایا تو کسی نے تقریب کی بد انتظامی پر سوالات اٹھائے۔
سوشل میڈیا پر یہ بات سامنے آئی کہ ایچ بی ایل
پی ایس ایل 5 کے اس اہم ترین دن افتتاحی تقریب کی ذمہ داری
بھارتی ڈائریکٹر اور ایونٹ پلانر کو دی گئی تھی، اس بات کے سامنے آتے ہی
سوشل میڈیا صارفین آگ بگولا ہوگئے تھے۔
(جاری ہے)
حال ہی میں میزبان وقار ذکا کی جانب سے ایک ویڈیو شیئر کی گئی جس میں انہوں نے حیران کٴْن انکشاف کرتے ہوئے بتایا کہ افتتاحی تقریب کی انتظامیہ کے لیے 130 بھارتیوں کو رکھا گیا تھا۔
وقار ذکا نے اپنی ویڈیو میں ایک فہرست دکھائی جس میں
پی ایس ایل 5 کی افتتاحی تقریب کی انتظامیہ میں 130 سے زائد بھارتیوں کے نام تھے، وقار نے حکومتِ
پاکستان سے سوال کیا کہ اس فہرست کو دیکھیں اور بتائیں جہاں
پاکستان میں نوکریاں نہیں ہیں، لوگوں کے پاس کھانے کو نہیں ہے، ایسے میں یہ تمام لوگ
پاکستان کیوں آئی وقار ذکا نے اپنی ویڈیو میں کہا کہ
کشمیر کا واقعہ کیا بھول گئی
کشمیر کے لیے آواز اٹھانا چھوڑ دی، اپنے ملک والوں کو کام دینا چھوڑ دیا۔
ویڈیو میں وقار نے کہا کہ
بھارت میں ہمارے فنکاروں کو دھکے مار کر نکالا گیا ان کے ساتھ برا سلوک کیا جاتا ہے، انہوں نے کہا کہ آپ خود سوچیں کہ کیا کوئی
بھارتی کبھی بھی یہ چاہے گا کہ
پاکستان کا کوئی اتنا بڑا ایونٹ مقبول ہو۔وقار ذکا نے اپنی ویڈیو میں کہا کہ اگر یہ پاکستانی ایونٹ تھا تو اس میں 100 فیصد پاکستانیوں کو کام دینا چاہیے تھا۔وقار ذکا کی اس ویڈیو کے بعد
ٹوئٹر پر ہیش ٹیگ
پی سی بی جواب دو ٹرینڈ کرنے لگا اور تقریباً 5 ہزار سے زائد صارفین کی جانب سے اس معاملے پر ٹوئٹ کیے جا چکے ہیں تاہم اس معاملے کے حوالے سے
پاکستان کرکٹ بورڈ (پی سی بی) کی جانب سے کوئی ردِ عمل سامنے نہیں آیا ہے۔
احتشام چوہدری نے فہرست کی تصویر شیئر کرتے ہوئے لکھا کہ 130سے زائد بھارتیوں کو
پاکستان کا اتنا اہم ایونٹ دیا گیا، کیا پاکستانی افتتاحی تقریب نہیں کروا سکتے تھی ہمارے ملک میں یہ کیا ہو رہا ہے۔ایک صارف نے لکھا کہ لائن آف کنٹرول کی خلاف ورزیاں، سینما پر پابندی،
کرکٹ ٹیم پر پابندی، دہشت گردی، اس کے باوجود بھی
پی سی بی نے 132 بھارتیوں کو ذمہ داری دی، یہ ناقابل قبول ہے، قوم کو اس شرمناک حرکت کا جواب چاہیے۔علی شیر خواجہ نے
پی سی بی کے سربراہ احسان مانی سے استعفیٰ دینے کا مطالبہ بھی کیا۔
