امریکہ میں ایک ملٹی نیشنل کمپنی کے کیمپس پر فائرنگ سے 7 افراد ہلاک

ملٹی نیشنل کمپنی مولسن کورز کے میلواکی کیمپس میں فائرنگ کے تبادلے کے دوران حملہ آور سمیت 7 افراد ہلاک ہوئے۔ خبر ایجنسی

کامران حیدر اشعر جمعرات 27 فروری 2020 04:00

میلواکی (اردو پوائنٹ اخبار تازہ ترین۔ 27 فروری 2020ء) امریکہ میں ایک ملٹی نیشنل کمپنی کے کیمپس پر فائرنگ سے 7 افراد ہلاک۔ ملٹی نیشنل کمپنی مولسن کورز کے میلواکی کیمپس میں فائرنگ کے تبادلے کے دوران حملہ آور سمیت 7 افراد ہلاک ہوئے۔ تفصیلات کے مطابق امریکی ریاست میلواکی میں واقع ایک معروف ملٹی نیشنل کمپنی کے کیمپس میں ایک شخص کی فائرنگ سے بھاری جانی نقصان ہوا ہے۔

میڈیا رپورٹس کے مطابق حملے کا نشانہ بننے والے کمپلیکس میں 600 کے قریب ملازمین کام کرتے ہیں، اور یہ کمپلیکس میلواکی کے علاقے میں ’’ملر ویلی‘‘ کے نام سے جانا جاتا ہے۔

BREAKING: Seven dead, including the suspect, in shooting in Milwaukee.
— The Spectator Index (@spectatorindex) February 26, 2020

متفرق خبر رساں اداروں کی رپورٹس کے مطابق حملہ آور سمیت 7 افراد ہلاک ہوئے ہیں جبکہ متعدد زخمی بھی ہوئے ہیں، تاہم یہ بھی اطلاعات ہیں کہ ابھی تک کسی مستند ذرائع سے ہلاکتوں کی تصدیق نہیں کی گئی۔

(جاری ہے)

Multiple people have been killed in a shooting at the Molson Coors corporate complex in Milwaukee, the city's mayor says. https://t.co/5UJD3HXPxg
— The Associated Press (@AP) February 26, 2020

سی این این کے مطابق میئر ٹام بیریٹ نے رپورٹرز کو بتایا ہے کہ واقعے میں حملہ آور سمیت متعدد افراد ہلاک ہوئے ہیں۔ میئر ٹام بیریٹ نے بھی ہلاکتوں کی تعداد سے متعلق کچھ نہیں بتایا۔ ان کا کہنا تھا کہ کمپنی کے ملازمین کے لیے یہ ایک خوفناک دن ہے، انہوں نے کہا کہ یہ ہر اس شخص کے لیے ایک برا دن ہے جو کسی بھی حوالے سے اس واقعے کے ساتھ منسلک ہے۔

JUST IN: At least eight shot in incident at Molson Coors campus in Milwaukee, law enforcement officials briefed on the situation told @ABC News. https://t.co/wAr14mfalG
— ABC News (@ABC) February 26, 2020

خبر ایجنسی کے مطابق امریکی صدر ڈونلڈ ٹرمپ نے بھی حملے کی مذمت کرتے ہوئے کہا ہے کہ حملہ آور نے 5 افراد کو موت کی گھاٹ اتارا اور متعدد افراد کو زخمی کیا۔ صدر ٹرمپ نے واقعے کی مذمت کرتے ہوئے ہلاک افراد کے لواحقین کے ساتھ ہمدردی کا اظہار کیا، ان کا کہنا تھا کہ یہ ایک خوفناک واقعہ تھا اور وہ متاثرین کے ساتھ ہیں۔

MPD is investigating a critical incident in the 4000 block of W. State Street. Please stay clear of the area at this time.
— Milwaukee Police (@MilwaukeePolice) February 26, 2020

پولیس حکام کا کہنا ہے کہ وہ واقعے کی تحقیقات کر رہے ہیں تاہم انہوں نے حملہ آور سے متعلق یا واقعے کی وجوہات سے متعلق ابھی تک کوئی ابتدائی رپورٹ جاری نہیں کی ہے۔