بھارت میں دوست نے 10 روپے نہ دینے پر دوست کو زندہ جلا دیا

مقتول کی شناخت گینش کے نام سے ہوئی، 6 روز تک ہسپتال میں رہنے کے بعد دم توڑ گیا

اسامہ چوہدری منگل 3 مارچ 2020 23:38

نئی دہلی (اردو پوائنٹ اخبار تازہ ترین 3 مارچ 2020) : بھارت میں دوست نے 10 روپے نہ دینے پر دوست کو زندہ جلا دیا، مقتول کی شناخت گینش کے نام سے ہوئی، 6 روز تک ہسپتال میں رہنے کے بعد دم توڑ گیا۔ تفصیلات کے مطابق بھارت کی ریاست مدھیہ پردیش کے ضلع اجین میں ایک افسوسناک واقعہ پیش آیا۔ دو دوستوں سورج اور شبھم نے اپنے دوست گنیش سے 10 روپے مانگے جس پراس نے انکار کردیا۔

گنیش کا کہنا تھا کہ اسکے پاس پیسے موجود نہیں ہیں۔

(جاری ہے)

اس پر دونوں ملزم تعیش میں آ گئے اور گنیش کے ہاتھ پر پٹرول پھینک کر آگ لگا دی جس نے اسکے سارے جسم کو لپیٹ میں لے لیا۔ گنیش کو انتہائی تشویش ناک حالت میں ہسپتال منتقل کیا گیا جہاں زخموں کی تاب نہ لاتے ہوئے 6 روز بعد اپنی جان کی بازی ہار گیا۔ اس حوالےسے پولیس کا کہنا ہےکہ اس واقعے کی سی سی ٹی وی فوٹیج انکو وصول ہو گئی ہے اور اسکی مدد سے ملزمان کو گرفتار کرلیا گیا ہے۔ بتایا گیا کہ یہ فوٹیج دونوں ملزمان کو سزا دلوانے کے لیے کافی ہے۔