بھارتی مسلمانوں پر ظلم و ستم کی اجازت نہیں دیں گے۔ ایرانی پارلیمنٹیرین

منگل 10 مارچ 2020 23:28

بھارتی مسلمانوں پر ظلم و ستم کی اجازت نہیں دیں گے۔ ایرانی پارلیمنٹیرین
تہران (اُردو پوائنٹ اخبارتازہ ترین - آن لائن۔ 10 مارچ2020ء) ایرانی پارلیمنٹ کی قومی سلامتی کے رکن علاوالدین بروجردی نے بھارتی مسلمانوں کے خلاف بھارتی حکومت کے مظالم کی مذمت کرتے ہوئے کہا ہے کہ ہم بھارتی مسلمانوں کے ساتھ ہیں بھارتی حکومت کو انھیں ظلم و ستم کا نشانہ بنانے کی اجازت نہیں دیں گے۔

(جاری ہے)

غیر ملکی خبر رساں ادارے کے مطابق ایران کی پارلیمنٹ کی قومی سلامتی کے رکن علاالدین بروجردی نے صحافیوں سے بات کرتے ہو ئے بھارتی مسلمانوں کے خلاف بھارتی حکومت کے مظالم کی مذمت کرتے ہوئے کہا ہے کہ ہم بھارتی مسلمانوں کے ساتھ ہیں۔

انھوں نے ایرانی حکام پر زوردیا کہ وہ اس سلسلے میں صرف بھارتی سفیر کو طلب کرنے پر اکتفا نہ کریں بلکہ بھارتی حکومت کے ظالمانہ اقدامات کے خلاف جامع اقدامات کی ضرورت ہے۔ بھارت کی موجودہ حکومت بھارت میں امریکی اور اسرائیل ایجنڈے پر کام کررہی ہے اور ہندو دہشت گردوں کی پشت پناہی کرکے وہ مسلمانوں کو ان کے بنیادی حقوق سے محروم کرنا چاہتی ہے۔ انھوں نے کہا کہ بھارت مختلف اقوام اور مذاہب کا گہوارہ ہے۔