نیب کی جانب سے میر شکیل الرحمان کی گرفتاری کے حوالے سے شو کرنے پر پیمرا نے شاہزیب خانزادہ کو شوکاز نوٹس بھیج دیا

شاہزیب خانزادہ نے کہا کہ میرشکیل الرحمان پر نیب کی جانب سے دباؤ تھا کہ وہ نیب پر سوال نہ اٹھائیں، سوال اٹھانے پر انہیں گرفتار کرلیا گیا: شاہزیب خانزادہ کا پروگرام کے دوران دعویٰ

عثمان خادم کمبوہ جمعہ 13 مارچ 2020 00:53

لاہور (اردو پوائنٹ تازہ ترین اخبار۔12 مارچ 2020ء) نیب کی جانب سے میر شکیل الرحمان کی گرفتاری کے حوالے سے شو کرنے پر پیمرا نے شاہزیب خانزادہ کو شوکاز نوٹس بھیج دیا ہے۔ تفصیلات کے مطابق آج جیو اور جنگ نیوز گروپ کے مالک میر شکیل الرحمان کو آج نیب نے گرفتار کر لیا ہے جس کے بعد آج شب جیو نیوز کے سینئیر اینکر شاہزیب خانزادہ نے اپنے شو کے دوران کہا کہ میرشکیل الرحمان پر نیب کی جانب سے دباؤ تھا کہ وہ نیب پر سوال نہ اٹھائیں، سوال اٹھانے پر انہیں گرفتار کرلیا گیا ہے۔

اس پروگرام میں کیے گئے اس دعوے پر پیمرا نے شاہزیب خانزادہ کو شوکاز نوٹس جاری کردیا ہے۔

Read this show cause notice issued by Pakistan Electronic Media Regulatory Authority it is about @shazbkhanzdaGEO show about NAB Mir Shakeel ur Rehman was under pressure to stop raising questions about NAB when he refused he was illegally detained by NAB on March 12th 2020 pic.twitter.com/C1zMzA7DZb
— Hamid Mir حامد میر (@HamidMirPAK) March 12, 2020

سینئیر صحافی حامد میر نے شوکاز نوٹس کی تصاویر اپنے ٹویٹر اکاؤنٹ سے شئیر کیں ہیں۔

(جاری ہے)

خیال رہے کہ آج نیب نے جیو اور جنگ کے مالک میر شکیل الرحمان کو حراست میں لے لیا۔تفصیلات کے مطابق میر شکیل الرحمان پر سابق وزیراعظم نواز شریف سے 54 پلاٹوں پر غیر قانونی رعایت حاصل کرنے کا الزام ہے۔

اس سے پہلے میر شکیل الرحمان 5 مارچ کو نیب میں پیش ہوئے جہاں ان سے 2 گھنٹے تک تفتیش کی گئی۔میر شکیل الرحمن آج دوسری بار نیب میں سوالوں کے جواب دینے کے لیے پیش ہوئے تھے۔غیر قانونی پلاٹس پر میر شکیل الرحمن تسلی بخش جوابات نہیں دے سکے۔جس کے بعد آج اُنہیں حراست میں لیا گیا۔ نیب ذرائع کا کہنا ہے کہ میر شکیل الرحمن پر نواز شریف دور میں 54 پلاٹس پر غیر قانونی رعایت لینے کا الزام ہے۔

میر شکیل الرحمن نے زمین سے ملحقہ گلیوں کو بھی پلاٹس میں شامل کرایا۔آج نیب میں دوبارہ پیش پر میر شکیل الرحمن تسلی بخش جواب نہ دے سکے تو انہیں گرفتار کرلیا گیا۔ دوسری جانب جنگ اور جیو گروپ سے مالک میر شکیل الرحمان کی گرفتاری پر سینئیر صحافیون نے وزیراعظم عمران خان اورنیب کو شدید تنقید کا نشانہ بنادیا ہے۔ سینئیر تجزیہ کار سہیل وڑائچ نے کہا ہے کہ عمران خان میر شکیل الرحمان کو گرفتار کرکے خدا کے قہر کو دعوت دے رہے ہیں۔ انہوں نے کہا کہ ہ "ات خدا دا ویر ہوندا اے"۔ سہیل وڑائچ نے مزید کہا کہ عمران خان نے میر شکیل الرحمان کو گرفتار کرواکر تمام حدیں پار کرلی ہیں۔