چینی کمپنی علی بابا کے مالک جیک ما نے 10لاکھ ماسک امریکہ بھیجنے کا اعلان کردیا

جیک ما فاؤنڈیشن 10لاکھ ماسک اور 5لاکھ کورونا وائرس ٹیسٹنگ کِٹس امریکہ کو عطیہ کرے گی

عثمان خادم کمبوہ جمعہ 13 مارچ 2020 23:57

بیجنگ (اردوپوائنٹ اخبارتازہ ترین۔13 مارچ۔2020ء) چینی کمپنی علی بابا کے مالک جیک ما نے 10لاکھ ماسک امریکہ بھیجنے کا اعلان کردیا ہے۔ چینی ارب پتی بزنس مین جیک ما کی جیک ما فاؤنڈیشن نے اعلان کیا ہے کہ وہ 10لاکھ ماسک اور 5لاکھ کورونا وائرس ٹیسٹنگ کِٹس امریکہ کو عطیہ کرے گی۔ فاؤنڈیشن کی جانب سے اپنے ٹویٹر پیغام میں بتایا گیا ہے اس سے قبل فاؤنڈیشن جاپان، کوریہ، اٹلی، اور ایران میں ماسکس اور کٹس پہنچا چکی ہے اور اب امریکا میں امدادی سامان بھیجا جائے گا۔

Through a donation of 500,000 testing kits and 1 million masks, we join hands with Americans in these difficult times. pic.twitter.com/tGviVhC6Gx
— Jack Ma Foundation (@foundation_ma) March 13, 2020

اس حوالے سے جیک ما نے کہا ہے کہ انہوں نے اپنے ملک چین میں کورونا وائرس سے متاثرہ لوگوں کے حالات دیکھنے کے بعد فیصلہ کیا کہ چین میں وبا پر کنٹرول پائے جانے کے بعد اپنی دنیا کی مدد کرنے کا وقت ہے اسی لیے انکی کمپنی دنیا بھر میں کورونا وائرس کو روکنے کیلئے کام کررہی ہے۔

(جاری ہے)

واضح رہے کہ امریکی صدر ڈونلڈ ٹرمپ نے اپنے صدارتی اختیارات کو استعمال کرتے ہوئے ملک میں نیشنل ایمرجنسی کے نفاذکا اعلان کردیا ہے. امریکی صدر نے قومی ہنگامی حالت کا اعلان ملک میں کورونا وائراس کے بڑھتے ہوئے پھیلاﺅ کے پیش نظر کیا ہے تاہم امریکی صدر ایمرجنسی کے دوران صدارتی اختیارات کے تحت وبا کے پھیلاﺅ کو روکنے کے لیے خصوصی فنڈز جاری کرسکیں گے. صدر ٹرمپ سے قبل سال2000میں صدر بل کلنٹن نے ویسٹ نیل وائرس کے پھیلاﺅ کو روکنے کے لیے نیشنل ایمرجنسی نافذکی تھی‘صدرٹرمپ نے فرانس کے ہم منصب ایمانوئل میکرون کے ساتھ رابط کیا اور وبائی مرض کے بارے میں فرانسیسی صدر نے ٹویٹ کیا کہ عالمی راہنماﺅں کے ساتھ ویکسین کی تیاری اور علاج سے متعلق تحقیقی کوششوں میں ہم آہنگی پیدا کرنے اور معاشی بحران سے نمٹنے کے لیے مل کر کام کرنے پر اتفاق کیا ہے.