سندھ میں کورونا وائرس سے متاثرہ افراد کی تعداد 146ہوگئی

متاثرہ افراد میں سکھر میں موجود 119زائرین شامل، 26مریض کراچی میں 1حیدرآباد میں موجود

عثمان خادم کمبوہ پیر 16 مارچ 2020 21:47

کراچی (اُردو پوائنٹ اخبارتازہ ترین ۔ 16 مارچ2020ء) : سندھ میں کورونا وائرس سے متاثرہ افراد کی تعداد 146ہوگئی ہے۔ سینیٹر مرتضیٰ وہاب کے مطابق متاثرہ افراد میں 119افراد ایران سے آنے والے زائرین ہیں جنکو سکھر میں رکھا گیا ہے جبکہ 26مریض کراچی میں اور 1مریض حیدرآباد میں موجود ہے۔

Total number of ppl affected by corona virus in Sindh has reached 146. Out of this, 119 are Zaireen who are being kept in Sukkur, 26 are in Khi & 1 is in Hyd. This exponential increase is largely due to the recent inflow of ppl brought in from Taaftaan after a purported qurantine
— Murtaza Wahab Siddiqui (@murtazawahab1) March 16, 2020

پاکستان میں گزشتہ روز مریضوں کی مجموعی تعداد 52 تھی اور اب اس تعداد میں دوسو فیصد آضافہ ہو گیا ہے۔

اس کے بعد سندھ حکومت نے بین الصوبائی سرحدیں بند کرنے پر غور شروع کردیاہے اسی سلسلے میں وزیراعلیٰ سندھ وزیر اعظم کو تجاویز دیں گے۔ سندھ میں تیزی سے بڑھتے کورونا وائرس کے باعث صوبائی حکومت نے انتہائی اقدامات پر غور شروع کردیا ہے، ذرائع کا کہنا ہے کہ وزیراعلیٰ سندھ مرادعلی شاہ نے ویڈیو کانفرنس اجلاس میں وفاقی حکومت کو بین الصوبائی بارڈرز بند کرنے کی تجویز دی ہے۔

(جاری ہے)

ذرائع کا کہنا ہے کہ سندھ حکومت نے کراچی کے لیے بین الاقوامی پروازیں بھی بند کرنے کی تجویز دی ہے تاہم فیصلوں اور تجاویز کے حوالے سے وزیراعلیٰ سندھ مراد علی شاہ پریس کانفرنس کریں گے۔حکومت سندھ نے کورونا وائرس کے لیے 10 ہزار ٹیسٹنگ کٹس منگوا لی ہیں۔وزیراعلیٰ سندھ مراد علی شاہ نے اس حوالے سے سماجی رابطے کی ویب سائیٹ پر ٹویٹ کیا ہے جس میں ان کاکہناہے کہ صوبائی حکومت نے ایک نجی اسپتال کے تعاون سے کورونا وائرس کے لیے 10 ہزار ٹیسٹنگ کٹس منگوا لی ہیں۔

سندھ میں کورونا وائرس تشویشناک حدتک تیزی سے پھیل رہا ہے جس کے دوسرے صوبوں میں آنے کا بھی خطرہ ہے، حکومتِ سندھ اس حوالے سے اقدامات کر رہی ہے لیکن ابھی تک وائرس پر قابو نہیں پایا جسکا ہے۔اور اب تشویشناک صورتحال سامنے آئی ہے کہ سندھ میں کورونا وائرس کے شکار مریضوں کی تعداد 146ہوگئی ہے۔