وزیر اعظم آزادکشمیر سے وزیر امور کشمیرکی ملاقات ،کورونا وائر س سے پید صورتحال پر غور

آزادکشمیرحکومت اپنے محدود وسائل کے باوجود پوری استعداد کار سے کوروناسے نمٹنے کیلئے تیار ہے، محمد فاروق حیدر

جمعرات 26 مارچ 2020 20:27

اسلام آباد (اُردو پوائنٹ اخبارتازہ ترین - این این آئی۔ 26 مارچ2020ء) وزیر اعظم آزادجموں وکشمیر راجہ محمد فاروق حیدرخان سے وزیر امور کشمیرعلی امین گنڈا پور کی جموں وکشمیر ہائوس میں ملاقات ۔ملاقا ت میں کورونا وائر س سے پید ا ہونے والی صورت حال پر غور کیا گیا۔ وزیر اعظم آزادکشمیر نے کہا کہ آزادکشمیرحکومت اپنے محدود وسائل کے باوجود پوری استعداد کار سے کوروناسے نمٹنے کے لیے تیار ہیں۔

(جاری ہے)

ہم یہ امید کرتے ہیں کہ حکومت پاکستان کی طر ف سے اٹھائے جانے والے اقدمات اور پیکجز سے آزادکشمیر کو بھی اس کی ضرورت کے مطابق حصہ دیا جا ئیگا ۔آزادکشمیر میں اسوقت کورونا وائر س کا ایک کیس سامنے آیا ہے۔ ہم بیرون ملک سے آنے والے لوگوں کو ٹریس کر کے ان کے طبعی معائنہ کروائیںگے ۔ اس موقع پر وزیر امور کشمیر علی امین گنڈا پور نے کہا کہ وزیر اعظم آزادکشمیر نے بہترین اقدامات اٹھائے ہیں اور حکومت پاکستان بھرپور معاونت کرے گی۔