کسی بھی وباء کے معا ملے میں احتیا ط ہی بہتر علاج ہے،امان اللہ خان یا سین زئی

کرونا وائر س کے خطرے کے پیش نظر سردست اس کی حساسیت کو سنجید گی سے لینے اورحفظا ن صحت کے تمام اصولوں کو سختی سے اپنا نے کی اشد ضرورت ہے ،گورنر بلوچستان

جمعرات 26 مارچ 2020 23:54

کوئٹہ(اُردو پوائنٹ اخبارتازہ ترین - این این آئی۔ 26 مارچ2020ء) گورنر بلوچستان امان اللہ خان یا سین زئی نے کہاہے کہ کرونا وائر س کے خطرے کے پیش نظر سردست اس کی حساسیت کو سنجید گی سے لینے اورحفظا ن صحت کے تمام اصولوں کو سختی سے اپنا نے کی اشد ضرورت ہے کیونکہ کسی بھی وباء کے معا ملے میں احتیا ط ہی بہتر علاج ہے ۔گورنر نے حکومتی اقدامات اور بھر پور عوامی آگہی مہم کی بدولت عوام کے رویوں میں تعمیری تبدیلی اور طر ززندگی میں مثبت پہلو نمو دار ہونے کو ایک خوش آئند عمل قراردیا ۔

اگر عوام کی سطح پر احتیاطی تدابیر کی یہی پاسداری بر قرار ہی توبہت جلد ہم کرونا وائرس پر مکمل قابو پانے میں سُرخ خر وہوجائینگے ۔ان خیالات کا اظہار انہوں نے جمعرات کے روز گورنر ہاوس کوئٹہ میں صوبے بھر کے جید علماء کرام سے گفتگو کرتے ہوئے کیا ۔

(جاری ہے)

واضح رہے کہ صدر پاکستان ڈاکٹر عارف علوی نے جمعر ات کے روز کورونا وائرس سے پیداہونے والی صورتحال کے پیش نظر مذہبی اجتما عات بالخصوص نماز جمعہ کی ادائیگی کے حوالے سے ملک بھر کے جید علماء کرام اور تمام صوبوں کے گورنر صاحبان کے ساتھ باقاعدہ و یڈ یوکا نفرنس کا اہتمام کیاتھا ۔

بلوچستان سے گورنر بلوچستان امان اللہ خان یاسین زئی ،مولانا انورالحق حقانی ،مفتی روزی خان ،مولانا عبدالحلیم ۔مولانا عبدالقادوس ساسولی ،ڈاکٹر قاری عبدالرشید ،علامہ سید ہاشم موسوی ،مولانا مختار احمد حبیبی ،مولانا حفیظ شاہ باچا ،ڈاکٹر حفیظ عبدالغفور اور صوبائی سیکرٹری بالاچ عزیزی شریک ہوئے ۔صدر پاکستان کے ساتھ ویڈ یو کا نفرنس کے اختتام پر گورنر بلوچستان نے اُن سے گفتگو کے دوران کہاکہ ہمارے معاشرے میں علماء شا ئخ کا بہت اہم کردار ہے اور موجود صورتحال سے نمٹنے میں وہ موثر کردار ادا کرسکتے ہیں ۔

گورنر یاسین زئی نے کہاکہ تاریخ گواہ ہے کہ مختلف بحرانوں سے نمٹتے وقت حکومتی اقدامات کے علاوہ ہماری جاندار قومی اقدار بھی کھل کے سامنے آتی ہیں اور بحران سے نکالنے صاحب حیثیت اپنے بہن بھائیوں کی مدد کرتے ہیں ۔انہوں نے تمام صاحب ثروت افراد پرزور دیاکہ کرونا وائر س کے باعث کا روبار ی وتجارتی مراکز کی بند ش سے تمام محنت کش طبقہ کئی مشکلات سے دوچار ہے ضروری ہے کہ مشکل کی اس گھڑی میں ان کی بھر پور مدد کریں ۔انہوں نے عوام پر زور دیاکہ موجودہ صورتحال میں اپنی امدروفت کو محدود اور غیر ضروری رابطوں کو ختم کریں ۔آخر میںگورنر بلوچستان اور علماء اکرام نے کرونا وائرس سے بچاو کیلئے خصوصی دُعا کی ۔