Live Updates

محکمہ موسمیات کی پنجاب اور خیبرپختونخوا میں اگلے دو روز مزید بارشوں کی پیش گوئی

پیر 4 مئی 2020 18:10

اسلام آباد ۔ (اُردو پوائنٹ اخبارتازہ ترین - اے پی پی۔ 04 مئی2020ء) پنجاب اور خیبرپختونخوا میں اگلے دو روز مزید بارشوں کی پیشگوئی کی گئی ہے، غیر معمولی بارشوں سے گندم کی کٹائی اور گہائی متاثر ہو گی۔ پنجاب اور خیبر پختونخواہ کے بعض علاقوں میں جاری بار شیں مزید 2 روز تک وقفے وقفے سے جاری رہیں گی ۔

(جاری ہے)

محکمہ موسمیات کے مطابق خیبر پختونخوا (چترال، دیر، سوات، مانسہرہ، ایبٹ آباد، پشاور، مردان، چارسدہ، کرم، کوہاٹ، وزیرستان ، بنوں) ، اسلام آباد، پنجاب(راولپنڈی ، اٹک سمیت خطئہ پوٹھوار، گوجرانوالہ، سیالکوٹ، لاہور، وزیر آباد، گجرات، منڈی بہاولدین ، سرگودھا ، میانوالی، فیصل آباد، ساہیوال ، اوکاڑہ ، جھنگ، ٹوبہ ٹیک سنگھ، بھکر ،لیہ ملتان ، ڈی جی خان، بہاولپور، بہاولنگر، رحیم یار خان)، کشمیر اور گلگت بلتستان میں آندھی اور گرج چمک ساتھ بارش کا امکان ہے۔