پاکستانی فوج نے 1ہفتے کے دوران دوسرا بھارتی جاسوس ڈرون مار گرایا

بھارتی ڈرون ایل او سی پر 700میٹر تک پاکستانی حدود کے اندر آگیا تھا، جسے پاک فوج نے مار گرایا: ڈی جی آئی ایس پی آر

عثمان خادم کمبوہ جمعہ 29 مئی 2020 22:09

راولپنڈی ( اردو پوائنٹ اخبار تازہ ترین ۔ 29 مئی 2020ء ) : پاکستانی فوج نے 1ہفتے کے دوران دوسرا بھارتی جاسوس ڈرون مار گرایا۔ بھارتی ڈرون ایل او سی پر 700میٹر تک پاکستانی حدود کے اندر آگیا تھا جسے پاک فوج نے مار گرایا ہے۔ پاک فوج کے شعبہ اطلاعاتِ عامہ کے مطابق لائن آف کنٹرول پر قنزلوان سیکٹر کی جانب سے آنے والے ڈرون کو پاکستانی حدود کی خلاف ورزی پر پاک فوج نے مار گرایا۔

#PakistanArmy troops shot down an Indian spying #quadcopter which came from Kanzalwan Sector, intruded 700 Meters on Pakistan side of #LOC in Nekrun Sector.
— DG ISPR (@OfficialDGISPR) May 29, 2020

ڈی جی آئی ایس پی آر کے مطابق بھارتی جاسوس ڈرون نیکورن سیکٹر میں 700میٹر تک پاکستانی حدود کے اندر آگیا تھا۔ خیال رہے کہ یہ رواں ہفتے کے دوران دوسرا بھارتی ڈرون ہے جسے پاک فوج نے پاکستانی سرحد کی خلاف ورزی کرنے پر مار گرایا ہے۔ اس سے قبل 27مئی کو بھی پاک فوج نے بھارتی ڈرون مار گرایا تھا۔

(جاری ہے)

۔ ڈی جی آئی ایس پی آر کنے بتایا تھا کہ پاک فوج ایک بھارتی جاسوس طیارہ مار گرایا ہے۔

پاک فوج کے شعبہ اطلاعاتِ عامہ نے 27مئی کو بھی اپنے ٹویٹر پیغام میں بتایا تھا کہ بھارتی جاسوس طیارہ پاکستان میں 650 میٹر تک اندرآیا تھا جسے پاک فوج نے رکھ چکری سیکٹرمیں مارگرایا۔ڈی جی آئی ایس پی آر کا کہنا تھا کہ بھارت دہشت گردی کو بڑھاوا دے رہا ہے۔

#PakistanArmy troops shot down an Indian spying #quadcopter in Rakhchikri Sector along LOC.
The quadcopter had intruded 650 meters on Pakistan’s side of the #LOC. pic.twitter.com/ZARleWqaat
— DG ISPR (@OfficialDGISPR) May 27, 2020

خیال رہے کہ بھارت کو گزشتہ کافی عرصے سے ہر جانب سے ہزیمت کا سامنا کرنا پڑ رہا ہے۔ گزشتہ کئی دنوں نے لداخ میں چینی فوج بھارتی فوج کو پریشان کیے ہوئے ہے اور کافی علاقے پر چین نے قبضہ کرلیا ہے جبکہ دوسری جانب جہاں بھارت اور نیپال کے درمیان کشیدگی کا تعلق ہے تو بھارت کی طرف سے کھولی گئی ایک نئی سڑک جو متنازعہ علاقہ سے گزرتی ہے، دونوں ملکوں کے درمیان علاقائی تنازعہ پیدا کردیا ہے ۔