دہائیوں تک حکمرانی کرنے والوں کا دو سالہ حکومت کو ناکام قرار دینا مضحکہ خیز ہے،رہنما پی ٹی آئی جمشید اقبال چیمہ

منگل 7 جولائی 2020 15:38

لاہور (اُردو پوائنٹ اخبارتازہ ترین - اے پی پی۔ 07 جولائی2020ء) انصاف ویلفیئر ونگ کے مرکزی سیکرٹری جنرل جمشید اقبال چیمہ نے کہا ہے کہ ملک پر کئی دہائیوں تک حکمرانی کرنے والی جماعتوں کی جانب سے دو سال بعد ہی تحریک انصاف کی حکومت کو ناکام قرار دینا مضحکہ خیز ہے،سیاسی مخالفین جو امیدیں لگا کر بیٹھے ہیں ان پر ہمیشہ کی طرح پانی پھر جائے گا ،معاشی مشکلات میں بے پنا ہ اضافے کے باوجود آئندہ مالی سال کے بجٹ میں کسی شعبے پر کوئی بوجھ نہیں ڈالا گیا۔

(جاری ہے)

ان خیالات کا اظہارا نہوں نے حلقہ این اے 127کے وفد سے گفتگو کرتے ہوئے کیا۔انہوں نے کہا کہ تحریک انصاف وزیر اعظم عمران خان کی قیادت میں متحد ہے اور آگے بڑھ رہی ہے۔وزیر اعظم عمران خان ہی انشا اللہ پاکستان کی کشتی کو منجدھار سے نکالیں گے ،ہم ہرگز مایوس نہیں اور انشا اللہ کورونا وائرس کی وبا تھم جانے کے بعد ترقی کی رفتار کو دوبارہ بڑھایا جائے گا اور پانچ سال میں حکومت کی کارکردگی یقینی طو رپر متاثر کن ہو گی۔انہوں نے کہا کہ اپوزیشن جماعتیں اپنے بکھرتے ہوئے شیرازے کی فکر کریں ۔