عوام مون سون میں بیماریوں سے بچائو کیلئے ضروری احتیاطی تدابیر اختیار کریں، طبی ماہرین

اسلام آباد (اُردو پوائنٹ اخبارتازہ ترین - اے پی پی۔ 22 جولائی2020ء) ماہرین صحت نے عام لوگوں کو متنبہ کیا ہے کہ وہ مون سون میں احتیاطی تدابیر اختیار کریں اور دیکھ بھال کریں کیونکہ ملک میں مون سون بارشوں سے متعلق دیگر بیماریوں کی وجہ سے کوو یڈ۔19 وائرس بڑھ سکتا ہے۔ انہوں نے مشورہ دیا ہے کہ وہ کھانے پینے کی اشیاء کے بارے میں زیادہ سے زیادہ احتیاط کریں ، مون سون میں موسمی انفلوئنزا جیسی بیماریاں آتی ہیں جس کی علامات کوویڈ 19 سے ملتی جلتی ہیں۔

ای این ٹی کے ماہر ڈاکٹر قیصر سجاد نے ایک بیان میں کہا کہ مون سون میں سانس کی نالیوں میں انفیکشن اور بارش کے پانی سے پیدا ہونے والے جراثیم اور امراض لوگوں کو متاثرکر سکتے ہیں جبکہ درجہ حرارت میں اچانک کمی الرجی یا دمہ کے شکار افراد کی صحت کے لئے نقصان دہ ہے۔

(جاری ہے)

انہوں نے اس بات پر بھی زور دیا کہ عوام کو مون سون کے امراض جسے ہیضہ،ڈائریا ،انفیکشنزوغیرہ سے آگاہ رہنے کی ضرورت ہے اور انہوں نے مزید کہا کہ لوگ ان بیماریون کا علاج خود نہ کریں کیونکہ وہ فروخت کی جانے والی دوائیوں سے پوری طرح واقف نہیں ہیں جو کہ صحت کے لئی سنگین خطرہ ہیں۔

ڈاکٹر نے مشورہ دیا کہ فارماسسٹ ، ڈاکٹروں اور میڈیکل پریکٹیشنر کو مریضوں کو صحت کی دیکھ بھال اور طبی مشورے دینے کی تربیت ہونی چایئی تاکہ وہ لوگوں کو ادویات کے مناسب استعمال کے بارے میں مشورہ دے سکیں۔انہوں نے کہا کہ پانی سے ہونے والے اسہال ، ہیضہ ا وریرقان کی وجہ سے کورونا وائرس کی صورتحال پیچیدہ ہوسکتی ہے لہذا لوگوں کو باہر جانے اور ریستورانوں سے فاسٹ فوڈ کھانے سے گریز کرنا چاہئے۔

انہوں نے کہا کہ بازار سے ملنے چپس،فروٹ چاٹ اور ریڈی میڈ سلاد شاید کافی دلکش ہوں لیکن ان کو کھانے سے فوڈ پوائزننگ ہوسکتی ہے جبکہ ان کھانوں میں بنیادی طور پر کچے پھل اور سبزیاں ہوتی ہیں جو صحت کے لئے نقصان دہ ہو سکتی ہیں۔ای این ٹی کے ایک اور ماہر ڈاکٹر وقار سعید نے کہا کہ مون سون کے موسم میں صفائی ستھرائی بھی بہت ضروری ہے ۔ پانی سے پیدا ہونے والے انفیکشنز اسہال ، ٹائیفائیڈ اور ہیضہ جیسی سنگین بیماریوں کا باعث بھی بن سکتے ہیں۔ انہوں نے لوگوں کو مشورہ دیا کہ کھانا کھانے سے پہلے اپنے ہاتھوں کو اچھی طرح دھو لیں۔بارش کے دوران جب بھی گیلے ہوجائیں تو فوری طور پر غسل کریں۔ انہوں نے مزید کہا کہ مون سون میں بند جوتے پہنیں۔