بھارت میں ایک ہی دن میں مزید 50 ہزار سے زائد افراد کورونا سے متاثر

گزشتہ چوبیس گھنٹوں میں 800 کے قریب افراد مہلک وائرس کے باعث زندگی کی بازی ہار گئے

Kamran Haider Ashar کامران حیدر اشعر جمعرات جولائی 08:03

بھارت میں ایک ہی دن میں مزید 50 ہزار سے زائد افراد کورونا سے متاثر
نئی دہلی (اردو پوائنٹ اخبار تازہ ترین۔ 30 جولائی 2020ء) بھارت میں ایک ہی دن میں مزید 50 ہزار سے زائد افراد کورونا سے متاثر گزشتہ چوبیس گھنٹوں میں 800 کے قریب افراد مہلک وائرس کے باعث زندگی کی بازی ہار گئے۔ تفصیلات کے مطابق امریکہ، برازیل اور میکسیکو کے ساتھ بھارت کو بھی کورونا وائرس کے باعث مشکل ترین حالات کا سامنا ہے۔

(جاری ہے)

تازہ اعداد و شمار کے مطابق بھارت میں گزشتہ روز کورونا وائرس سے 52 ہزار 249 افراد متاثر ہوئے جس کے بعد متاثرین کی مجموعی تعداد 15 لاکھ 80 ہزار سے بھی تجاوز کر گئی ہے۔

کورونا سے متعلق معلومات فراہم کرنے والی عالمی میٹر کے مطابق بھارت میں گزشتہ چوبیس گھنٹوں کے دوران مہلک کورونا وائرس کی وجہ سے 779 افراد زندگی کی بازی ہار گئے جس کے بعد اموات کی کل تعداد 35 ہزار کی سطح عبور کر گئی ہے۔ اعداد و شمار کے مطابق بھارت میں اب تک 10 لاکھ سے زائد افراد مہلک کورونا وائرس کو شکست دینے میں کامیاب بھی ہوئے ہیں۔