پنجاب میں15ستمبر سے پہلے سکول کھلنے کا کوئی امکان نہیں. وزیرتعلیم پنجاب
جو سکول 15 اگست کو کھلے گا، اسے سیل کر کے لائنس منسوخ کردیں گے . مراد راس کی گفتگو
میاں محمد ندیم جمعرات 13 اگست 2020 18:12
(جاری ہے)
نجی اسکولز کو ایس او پیز کے تحت کھولا جائے گا.
اس سے قبل نیشنل کمانڈ اینڈ کنٹرول سنٹر کے اجلاس کے بعد میڈیا کو بریفنگ دیتے ہوئے وزیر منصوبہ بندی اسد عمر نے کہا تھا کہ تعلیمی ادارے 15 ستمبر سے کھولے جائیں گے7ستمبر کو آخری ریویو کریں گے اور تعلیمی اداروں کے ساتھ ساتھ میرج ہالز کو بھی 15 ستمبرسے کھول دیں گے. واضح رہے کہ آج سندھ ہائی کورٹ نے نجی تعلیمی اداروں کی فیس میں20 فیصد رعایت نہ دینے والے سکولوں کے خلاف کارروائی کا حکم دے دیا ہے سندھ ہائیکورٹ میں نجی سکولوں کی فیس میں رعایت سے متعلق کیس کی سماعت ہوئی ہے عدالت نے حکم دیا ہے کہ ڈی جی پرائیوٹ سکول 20 فیصد رعایت کے قانون پر عملدرآمد کرائے والدین فیس میں رعایت نہ دینے والے سکولوں کے خلاف شکایت درج کروائیں. ہائی کورٹ نے ڈی جی پرائیوٹ سکولز کو ہدایت کی ہے کہ والدین کی شکایات موصول ہونے پر تعلیمی اداروں کے خلاف کارروائی کریں اور حکم پرعملدرآمد کی رپورٹ 20 دن میں پیش کی جائے عدالت نے تمام فریقین کی رضامندی کے بعد درخواست نمٹا دی ہے. خیال رہے کہ حکومت سندھ نے سندھ کورونا ریلیف آرڈیننس جاری کیا تھا جس کی منظوری 15 مئی کو گورنر سندھ نے دی تھی مسودے کے مطابق نجی سکولوں پر 20 فیصد ٹیوشن فیس کی کٹوتی لازم قرار دی گئی ہے جسے کسی اور مد میں یا مخصوص مدت گزرنے کے بعد بھی وصول نہیں کیا جائے گا‘اس کے علاوہ سندھ کابینہ نے بھی نجی سکولوں کی فیسوں میں 20 فیصد کمی کرنے کی منظوری دی تھی. ادھر وفاقی وزیرتعلیم شفقت محمود نے ملک بھر میں 15 ستمبر سے تعلیمی ادارے کھولنے کا اعلان کیا تھا وزیرتعلیم شفقت محمود نے بتایا تھا اس حوالے سے کہ نیشنل کمانڈ اینڈ کنٹرول سینٹر کو تجاویز بھیج دی گئی ہیں اور حکومت بھی تعلیمی اداروں سے متعلق مزید مشاورت کرے گی. ان کا کہنا تھا کہ تعلیمی ادارو ں سے متعلق ایس اوپیزپرنظرثانی کی جائےگی اگست کے پہلے اور پھرتیسرے ہفتے میں تعلیمی ادارے کھولنے کے فیصلے پر دوبارہ نظرثانی کریں گے‘تاہم بعدازاں ایک حکومتی ترجمان کی جانب سے اس فیصلے کو نیشنل کمانڈ اینڈ کنٹرول سینٹرکے فیصلے سے مشروط قراردیا تھا. یاد رہے کہ حکومتی اور عدالتی احکامات کے باوجود نجی سکول تمام صوبوں میں پوری فیس وصول کررہے ہیںجبکہ بیشتر سکولوں نے آدھے سے زیادہ سٹاف فارغ کردیا ہے اور باقی سٹاف کی تنخواہوں میں کٹوتیاں کردی گئی ہیں‘آبادی کے لحاظ سے سب سے بڑا صوبہ پنجاب بھی اس سلسلہ میں بے بس نظر آتا اور حکومت عدالت اور اپنے احکامات پر عمل درآمد میں مکمل ناکام نظرآتی ہے.مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.