Live Updates

ْحیدر علی نے کیرئیر کا شاندار اور نڈر آغاز کیا ہے، وہ ایک اسٹار بن رہا ہے، شاہد آفریدی

بدھ 2 ستمبر 2020 13:20

کراچی (اُردو پوائنٹ اخبارتازہ ترین - این این آئی۔ 02 ستمبر2020ء) سابق کپتان شاہد آفریدی نے کہا ہے کہ حیدر علی نے کیرئیر کا شاندار اور نڈر آغاز کیا ہے، وہ ایک اسٹار بن رہا ہے۔شاہد آفریدی نے اپنے ایک بیان میں کہا کہ پاکستان ٹیم نے ٹف ٹور کا اختتام اچھا کیا ہے، میں حیدر علی کو کیرئیر کا شاندار اور نڈر آغاز کرنے پر مبارکباد دیتا ہوں۔

(جاری ہے)

انہوں نے کہا کہ محمد حفیظ اور وہاب ریاض نے ٹی 20 کرکٹ میں ایک بار پھر اپنی اہمیت ثابت کی ہے۔

واضح رہے کہ پاکستان کے نوجوان بلے باز حیدر علی نہ صرف ٹی ٹوئنٹی کرکٹ میں ڈیبیو پر سب سے بڑا اسکور کرنے والے پاکستانی کھلاڑی بنے بلکہ وہ ڈیبیو پر نصف سنچری کرنے والے پہلے پاکستانی بیٹسمین بھی بھی بن گئے ہیں،اس سے قبل پاکستان کی جانب سے ٹی ٹوئنٹی کرکٹ میں ڈیبیو میں سب سے بڑا اسکور عمر امین کا تھا جنہوں نے اپنے پہلے ہی میچ میں 47 رنز بنائے تھے۔