ْقصور وگردونواح میں مختلف تین واقعات میں ایک چار سالہ بچی سمیت 3افراد اپنی زندگی کی بازی ہار گئے

پیر ستمبر 15:35

قصور ۔ (اُردو پوائنٹ اخبارتازہ ترین - اے پی پی۔ 14 ستمبر2020ء) قصور وگردونواح میں مختلف تین واقعات میں ایک چار سالہ بچی سمیت 3افراد اپنی زندگی کی بازی ہار گئے۔

(جاری ہے)

تفصیلات کے مطابق محلہ ہلہ چوک پتوکی کا رہائشی 45سالہ یسیٰن آج صبح سویرے نمازفجرکی نمازپڑھنے کیلئے جامع مسجد ریاض الجنت پتوکی میں مسجد کی ٹوٹیوں سے وضوکر رہا تھا کہ ٹوٹیوں میں اچانک بجلی کا کرنٹ آجانے کے باعث اسے بجلی کا زوردارجھٹکالگاجس سے اس کی موت واقع ہوگئی جبکہ غفار ٹائون کوٹرادھاکشن کے قریب محمد عمران کی4سالہ بیٹی نور فاطمہ سٹر ک کراس کر رہی تھی کہ اچانک نا معلوم گاڑی کی زد میں آکر کچلی گئی اور موقع پرہی دم توڑگئی‘ کوٹرادھاکشن پولیس مصروف کاروائی ہے اسی طرح دیپالپور روڈ تلونڈی کے قریب ٹریکٹر کی ٹکر سے چونگی امر سدھو لاہور کا رہائشی موٹرسائیکل سوارجاوید موقع پر ہی جاں بحق اور اسکی بہن ارم بی بی شدید زخمی ہوگئی جسے ریسکیو1122کی امدادی ٹیم نے جاویدکی نعش اورزخمی ارم بی بی کو طبی امداد کیلئے ڈسٹرکٹ ہیڈکوارٹرہسپتال قصور منتقل کر دیا ہے۔

پولیس مصروف کارروائی ہے۔