امریکی سپریم کورٹ کی معروف خاتون جسٹس گنسبرگ انتقال کر گئیں

موت سے قبل تحریری بیان میں جسٹس گنسبرگ نے خواہش ظاہر کی ہے کہ ان کی جگہ نئے جسٹس کا نام تب تک ظاہر نہ کیا جائے جب تک کہ نئے صدر کا انتخاب نہیں ہو جاتا

کامران حیدر اشعر ہفتہ 19 ستمبر 2020 06:00

واشنگٹن (اردو پوائنٹ اخبار تازہ ترین۔ 19 ستمبر 2020ء) امریکی سپریم کورٹ کی معروف خاتون جسٹس گنسبرگ انتقال کر گئیں۔ موت سے قبل تحریری بیان میں جسٹس گنسبرگ نے خواہش ظاہر کی ہے کہ ان کی جگہ نئے جسٹس کا نام تب تک ظاہر نہ کیا جائے جب تک کہ نئے صدر کا انتخاب نہیں ہو جاتا۔ تفصیلات کے مطابق معروف امریکی خاتون جسٹس روتھ بیڈر گنسبرگ 87 سال کی عمر میں انتقال کر گئی ہیں۔

(جاری ہے)

وہ امریکی سپریم کورٹ کی ایک جج تھیں جن کو صدر کلنٹن نے نامزد کیا تھا۔

BREAKING: US Supreme Court Justice Ruth Bader Ginsburg has died
— The Spectator Index (@spectatorindex) September 18, 2020

امریکی میڈیا رپورٹس کے مطابق جسٹس روتھ بیڈر گنسبرگ کا انتقال واشنگٹن میں واقع ان کے اپنے گھر میں ہوا ہے۔ گنسبرگ امریکہ کی دوسری خاتون تھیں جنہوں نے سپریم کورٹ میں بطور جج خدمات سر انجام دیں۔

JUST IN: In written statement before her death, Justice Ginsburg said it was her wish that her replacement is not named until there is a new President.
— The Spectator Index (@spectatorindex) September 18, 2020