پاکستان میں اسنوکر کی سرگرمیاں بھی بحال ہوگئیں

قومی رینکنگ اسنوکر چمپئن شپ 29 ستمبر سے نیشنل بینک اسپورٹس کمپلیکس میں کھیلی جائے گی، عالمگیر شیخ

جمعرات 24 ستمبر 2020 00:00

اسلام آباد (اُردو پوائنٹ اخبارتازہ ترین - این این آئی۔ 23 ستمبر2020ء) کورونا وائرس کے پھیلائو میں کمی کے بعد پاکستان میں اسنوکر کی سرگرمیاں بھی بحال ہوگئیں۔پاکستان بلیئرڈ اینڈ اسنوکر ایسوسی ایشن (پی بی ایس ای) نے اس ماہ کے آخر میں قومی رینکنگ اسنوکر چمپئن شپ کے آغاز کا اعلان کردیا۔

(جاری ہے)

پی بی ایس اے کے صدر منور شیخ اور کو چیئرمین عالمگیر شیخ نے کراچی میں پریس کانفرنس کے دوران بتایا کہ قومی رینکنگ اسنوکر چمپئن شپ 29 ستمبر سے نیشنل بینک اسپورٹس کمپلیکس میں کھیلی جائے گی جس میں قومی رینکنگ کے 32 پلیئرز کے علاوہ تین جونیئر پلیئرز بھی شرکت کریں گے۔

محمد آصف ایونٹ میں اعزاز کا دفاع کریں گے، ایک لاکھ 85 ہزار روپے کے انعامی رقم والے اس ایونٹ میں فاتح پلیئر کو ایک لاکھ روپے ملیں گے۔منور شیخ نے بتایا کہ ٹورنامنٹ میں کورونا کے حوالے سے بنیادی ایس او پیز کو فالو کیا جائیگا، پلیئرز کو از خود ٹیسٹ کرانے کو کہا گیا اگر کسی پلیئر کو معالی معاونت کی ضرورت ہوگی تو اس کو ٹیسٹنگ میں مدد فراہم کی جائے گی۔