کراچی کے مسائل کے حل کے لیے درست اور منصفانہ مردم شماری ضروری ہے ، ڈاکٹر اسامہ رضی

مبر کا حقوق کراچی مارچ ایک ٹرننگ پوائنٹ ثابت ہو گا ۔ مارچ کے لیے کارکنان گھر گھر رابطہ کریں ،ملیر میں اجتماع کارکنان سے خطاب

جمعرات ستمبر 23:14

کراچی(اُردو پوائنٹ اخبارتازہ ترین - این این آئی۔ 24 ستمبر2020ء) جماعت اسلامی کراچی کے نائب امیر ڈاکٹر اسامہ رضی نے کہا ہے کہ درست مردم شماری ہو جائے تو کراچی کی انتخابی نشستوں کی تعداد دگنی ہو جائیں گی ۔شہری آبادی 52فیصد ہو گئی ہے جبکہ دیہی آبادی 48فیصد ہے ۔ مسائل کے حل کے لیے درست اور منصفانہ مردم شماری کی ضرورت ہے ۔ پی ٹی آئی کی کراچی میںقومی اسمبلی کی 14اورصوبائی اسمبلی کی24 سیٹیں ہیں مگر شہر کے حقوق کے لیے یہ کچھ نہیں کر سکے ۔

مظلوم عوام 27ستمبر کو اپنے حق کے لیے کراچی کی سڑکوں پر نکلیں گے ۔27ستمبر کا حقوق کراچی مارچ کے لیے ایک ٹرننگ پوائنٹ ثابت ہو گا ۔ اس کی کامیابی کے لیے کارکنان گھر گھر جائیں ۔ عوام سے رابطے کریں ان خیالات کا اظہار انہوں نے حقوق کراچی مارچ کی تیاریوں کے سلسلے میں ملیرمیںاجتماع کارکنان سے خطاب کرتے ہوے کیا ۔

(جاری ہے)

اجتماع سے ضلع ایئر پورٹ کے امیر توفیق الدین صدیقی ،ناظم علاقہ کریم بخش نے بھی خطاب کیا ۔

ڈاکٹر اسامہ رضی نے مزید کہا کہ 1100ارب روپے کے پیکیج سے پہلے شہری 162ارب روپے کے پیکیج کا پوچھنا چاہتے ہیں کہ اس کا کیا ہوا۔ کراچی 80فیصد ریونیو ملک کواور صوبہ سندھ کو 95فیصد ریونیو فراہم کرتا ہے مگر پھر بھی اسے حق سے محروم رکھا ہوا ہے جو انتہائی افسوس ناک اور قابل مذمت ہے ، 26سو ارب اس سال کراچی نے وفاق کو دیئے۔کراچی کو حق چاہیے ۔ با اختیار شہری حکومت چاہییے جو کراچی کے شہریوں کا آئینی ، قانونی اور جمہوری حق ہے ۔

انہوں نے کہا کہ وڈیرہ شاہی جیسے فرسودہ نظام دنیا بھر میں 17ویں صدی سے ختم ہو چکے ہیں مگر ہمارا المیہ یہ ہے پاکستان میں یہ نظام اب بھی موجود ہے ۔ صوبہ سندھ پرایک وڈیرہ شاہی اورجاگیردارطبقے کی آمریت قائم ہے ، جمہوریت کے نام پر آمریت مسلط ہے ۔ظالموں کی کوئی قوم نہیں ہو تی ۔ مظلوموں کو ظلم کے خاتمے کے لیے گھروں سے نکلنا ہو گا ، جماعت اسلامی واحد عوام کی نمائندہ جماعت ہے ۔

یہی کرپشن سے پاک قیادت ملک و قوم کے مسائل حل کر سکتی ہے ۔توفیق الدین صدیقی نے کہا کہ 27ستمبر 3کروڑ مظلوموں کی آواز اور ان کے حقوق کا دن ہے ۔ شہر قائد کے باسیوں نے نام نہاد حکومتی پیکیج مسترد کردیا ہے ۔ سب مظلوم حافظ نعیم الرحمن کی قیادت میں متحد ہیں ۔ کریم بخش نے کہا کہ موجودہ حکومتی نمائندے عوام کے مسائل حل کرنے میں ناکام ثابت ہو چکے ہیں ۔ 27ستمبر کا مارچ در حقیقت حکومت کے خلاف ریفرنڈم ہو گا ۔ جماعت اسلامی کے رہنمائوں نے مارچ کو کامیاب بنانے کے لیے عوام سے بھر پور شرکت کی اپیل کی ۔